töskustuldur

Ákvað að taka mér aðeins frí frá vinnunni og skella mér út í gærkveldi. Fór með Kristínu og Hörpu á Prikið og þar var mikið dansað. Svo mikið dansað, að einhver náði að stela töskunni minni! Ég varð bara dáldið miður mín, ekki það að það sé eitthvað óbætanlegt í töskunni- síminn minn er hálfónýtur en öll númerin mín eru þar að sjálfsögðu. Það var ekki mikill peningur í veskinu og ég lokaði kortinu mínu strax, en þar er fullt af nafnspjöldum og hlutum sem ég nota. Og svo voru það náttla allir lyklarnir mínir. Vona bara að manneskjan sem stal töskunni minni fari ekki að ræna heimili mitt líka, því það er frekar einfalt að finna út heimilisfangið manns með netinu. Svo er það taskan mín, sem er slitin og drusluleg, en mér þykir gífurlega vænt um hana og hef varla tekið hana af mér i 6 ár. Þannig að manneskjan græddi ekkert, en ég tapaði nánast líkamspart. Ömurlegt að einhver skuli gera annari manneskju þetta! Stundum hata ég fólk.