Rövl og Blaður Inc.

á lífi

2008-11-20T12:56:00.000-08:00

Já, ansi langt síðan ég skrifaði seinast. Ástæðan er að ég var bara að fá internet í nýju íbúðina mína fyrir 2 dögum síðan. Já, nýja íbúðin, verð að setja inn myndir bráðum. Þetta er alveg æðisleg íbúð og ég gæti ekki verið ánægðari. Vegna kreppunnar, þá neyðist ég til að deila herbergi með Miriu. Verð að segja að það gengur bara miklu betur heldur en ég vonaði. Náðum að skipta herberginu svo vel með tveimur skápum, þannig að við báðar fáum okkar pláss. Giles leigir svo annað herbergi í íbúðinni. Við erum með risastórt eldhús, um 20 fm og íbúðin er með húsgögnum og öllu. Allt nýuppgert og fallegt.
Lífið er annars bara ágætt, voða lítið gert þannig séð fyrir utan að læra og hangsa. Skólinn er ágætur, gæti verið skemmtilegri. Á dáldið erfitt með að kynnast fólkinu þar, eitthvað sem ég hef aldrei átt í vandræðum með. Kenni tungumálaörðuleikum um, get ekki talað nógu vel til að grípa inn í samræður, þannig að ég er bara þögul út í horni. LÚÐI! Annars Þá hef ég skemmtilegar og leiðinlegar fréttir. Hafði ekki efni á miða til Íslands um jólin, þannig að ég ætlaði að hanga hérna í Kraká með the grinch(giles) og einhverjum öðrum.En þá ákvað mamma Miriu að bjóða mér til þeirra um jólin í USA. Keypti bara handa mér miða! Verð því í New Jersey um jól og New York um áramót. Bara mánuður þangað til ég fer, hlakka ekkert smá til. Annars er Sölvi að koma í heimsókn til mín á laugardaginn þannig að það verður stuð. Skrifa meira seinna.

Farin aftur :)

2008-10-05T08:10:00.000-07:00

Eins og sjá má þá var sumarið fremur viðburðarsnautt, þar sem ég skrifaði bara eina færslu. En þar sem ég er nú komin aftur til Póllands, þá ákvað ég að skrifa nokkrar línur. Flaug sem sé til Berlínar 15.september og eyddi 9 dögum þar. Var með íbúð í láni hjá vinkonu minni mest allan tíman, sem var hreint út sagt frábært. Það var ofurnæs að hanga í Berlín. Stór partur af Kraká-vinum mínum búa í Berlín núna, þannig að það var mjög furðulegt að blanda saman Krakávinunum og Berlínarvinunum en samt fínt. Fór á tónleika með The Charlatans, sem var ótrúlega gaman. James er vinur söngvarans, og hann reddaði okkur miðunum. Fengum líka að hitta söngvarann, sem var úber næs gaur. Ég, James og Julien keyrðum svo 24. til Kraká. Það tekur ekki nema um 7 tíma, sem er talsvert betra heldur en lestin sem er 10 tíma. Það var mjög fyndið að fara yfir landamærin, þýska autobahnið er fullkomið, en um leið og maður kemur yfir til Póllands, þá líður manni eins og maður sé í þvottavél. Talandi um að finnast maður vera að yfirgefa siðmenninguna :)
Það var ótrúlega skrítið að koma aftur til Kraká, en vandist þó fljótt. Miria vinkona mín komst inn í Jagiellonski, þannig að hún býr í herberginu mínu með mér núna. Við og Giles vinur minn erum núna að leita að íbúð saman. Þrátt fyrir að ég elski herbergið mitt, þá er ég komin með ógeð af eldhúsinu. Agnieszka meðleigjandi er ekki sú hreinlegasta. Skólinn byrjar svo loksins á þriðjudaginn. Verð bara í skólanum á þriðjudögum, miðvikudögum og fimmtudögum, þannig að ég verð alltaf með langa helgi :) Gott ef mér skyldi detta í hug að skreppa í ferðalag. Verð að sjálfsögðu að vinna mikið sjálf, en mér líst rosalega vel á kúrsana mína. Verð mest í plakötum að sjálfsögðu, en svo tek ég líka tréristukúrs og ljósmyndun. Svo verð ég líka að taka listasögu. Kvíðir pínku fyrir því, en Stian vinur minn segir að þeir séu mjög mellow, og ég fái sennilegast að skrifa ritgerðina á ensku. Allavega, verð svo duglegri að skrifa aftur þegar eitthvað gerist :)

komin til íslands

2008-06-28T02:23:00.000-07:00

Kom til Íslands á miðnætti á fimmtudaginn eftir ansar hrakfarir. Flaug fyrst frá Kraká til Kaupmannahafnar, þaðan átti ég svo að taka flug til Íslands. Eeeen, hálvitinn ég hafði verið að flýta mér þegar ég pantaði, og pantaði óvart flug frá Reykjavík til Kaupmannahafnar. Þurfti því að breyta miðanum, og borga ansi mikið á milli. Plús að ég þurfti að eyða 8 tímum á flugvellinum. Virkilega hata þennan flugvöll. Lendi alltaf í að hanga þar alltof lengi.
Annars er hálffurðulegt að vera komin heim. Er núna hjá Ellu systur á Akranesi, en kem í bæinn í kvöld til að sjá tónleikana. Byrja svo að vinna á þriðjudaginn.
Annars er það eina sem ég hugsa um í augnablikinu eru hjól. Langar alveg ótrúlega að hafa hjól í sumar, þannig að ef einhver er með hjól í geymslunni sem er aldrei notað og vill leyfa mér að viðra, þá endilega hafið samband. Eða ef einhver getur bent mér á leiðir til að fá ókeypis eða mjög ódýr hjól. Þarf ekki að vera neitt fínt, bara þannig að það virki.

freeee like a bird!

2008-06-17T01:32:00.000-07:00

hó hó og jibbí jeiiiii....gleðilega hátíð góðir íslendingar! Ég fagnaði deginum með pönnukökum í morgunmat. Þetta er líka fyrsti "sumarfrídagurinn" minn, þannig að ég hef ástæður til að fagna. Pólskunáms helvítið loksins búið og bara útskriftin á morgun. Í tilefni dagsins er hellidemba. Hvað annað?
Því miður er ekki allt gott í dag, því að ein besta vinkona mín, Miria, er að fara heim til Bandaríkjanna í dag. Kannski kemur hún aftur í haust, fer eftir því hvort hún komist inn í Jagiellonski eða ekki. Hún verður bara að koma! Erum með plön að finna ævintýralega íbúð saman í Kazimierz og hafa hengirúm í eldhúsinu. Of góð plön til að brjóta!
En já, annars líður að því að ég komi heim, 26.júní, bara 9 dagar. Vá, en skrítið. Hlakka alveg dáldið til, en að sumu leiti kvíður mig fyrir líka. Líður svo vel hérna í Kraká í augnablikinu. Verður líka skrítið að hitta ekki vini mína hérna í 3 mánuði. Maður verður svo náinn vinum sínum, þegar maður býr í útlöndum, þetta er eins og fjölskylda manns og maður hittir fólk svo miklu oftar. Ég hitti ekki vini mína á Íslandi á hverjum degi. En já, ætla að fara og hefja þennan dag, bæbæ

saga af dúfu

2008-06-02T01:41:00.000-07:00

Stian vinur minn og nágranni er held ég ein besta manneskja sem ég þekki. Um daginn þegar við vorum að labba út úr húsinu, sýndi hann mér forljótan dúfuunga sem lá í portinu hjá okkur. Það vantaði á hann eitt auga og það leit út fyrir að hann gæti dáið á næstu mínútu. Afskaplega sorglegt.
Næsta dag sá ég að unginn var horfinn. "Æi, það hefur einhver drepið hann", hugsaði ég með mér, enda það kannski fyrir bestu fyrir vesalinginn.
En nei, þegar ég minnist á það við Stian, þá komst ég að því að þegar hann hafði komið drukkin heim um kvöldið, þá hafði hann fundið svo mikið til með dúfuræflinum, að hann tók hann og setti í baðkarið sitt og reyndi að gefa honum að borða en unginn vildi ekki borða neitt.
Þá opnar Stian eldhúsgluggann sinn, þar sem var dúfumamma með eitt egg. Þegar Stian opnaði, flaug hún í burtu og hann skipti á egginu og ungaræflinum. Þess má geta að unginn var ekkert rosalega lítill, eiginlega hálfgerður unglingur. En allavega, dúfur eru ekki klárustu verur í heiminum, og þegar dúfumamman kemur aftur, þá heldur hún að eggið hafi klakkst út og nú er hún búin að ættleiða ungann og hann er allur að braggast. Ótrúlegt! og Stian virkilega þolir ekki dúfur...

Annars er hér sól og sumar alla daga. Búin að uppgötva ótrúlega staði rétt utan við centrumið þar sem er hrein náttúra. Eyddum laugardagskvöldinu við stöðuvatn í náttúrunni og bjuggum til varðeld. Súpernæs :)

blogg

2008-05-27T11:23:00.000-07:00

"Bloggaðu stelpa"! Segir Elín. En sannleikurinn er sá að ég hef ekkert að segja. Hver dagur rennur út í eitt, og það eina sem gerist er ekki eitthvað sem ég vil deila með öllum heiminum. Sumarið er komið í Kraká, já, veðrið, það er alltaf svo gaman að tala um það. Veðrið jú, það var voða gott í dag. Sól og sumar. Ég eyddi sumardeginum í góðum skugga fyrir utan Alchemiu þar sem ég skrifaði bréf til sjálfrar míns á íslensku og talaði við góða vini. Get sagt að ég sé komin með vinnu í sumar. Mun eyða sumrinu ofurhress ALLTAF hjá ÍTR í fellahverfi. Vona að þeir séu með gott legó... hmmm Eurovision, horfði ekki á það, sá þó íslenska atriðið í forkeppninni. Ferlega ömurlegt, en auðvitað hefðum við átt að vinna eins og alltaf. Nei, held ekki að það sé austurevrópskt samsæri að Rússar unnu. Held það séu bara tapsárir bjánar sem halda það. Pólskunámið-enn jafn ógeðslega leiðinlegt, en samt sem áður er ég komin með ferlega góðan hreim (samkvæmt pólverjum) og á auðveldara með að tala, þökk sé alltof miklu barrölti ;)

Hvítasunnuhremmingar

2008-05-11T04:02:00.000-07:00

Ég ætlaði að vera best í heimi og baka eplaköku fyrir piknikkið sem ég er að fara í með krökkunum, verð að vona að nærvera mín og nokkrar mandarínur dugi. Ástæðan: allar búðir lokaðar vegna hvítasunnu og skortur á heimilinu af eggjum og mjólk.
Þoli ekki tilgangslausa frídaga sem koma upp á sunnudegi. Verð að viðurkenna að ég hef aldrei skilið hvað Hvítasunna gengur út á, nema það að sofa út á mánudegi, eða allavega þegar ég er á Íslandi. Fór því í smá research og komst að þessu:

"Kristnir menn minnast á hvítasunnu einnig hins nýja sáttmála náðar og kærleika, þegar heilagur andi er sendur kristnum lýð."

Takið eftir, heilagi andinn er bara sendur kristnum lýð, það gustar því ekki einu sinni um mig og mandarínurnar mínar í dag.

Annars er að myndast óhugnalega stór marblettur á upphandleggnum mínum. Missti mig aðeins í dansinum í gær og dansaði á borð...
Svo týndi ég lyklunum mínum líka, gleðilega hvítasunnu!!!

muxtape

2008-05-10T12:53:00.000-07:00

Þegar ég var í Berlín, sendi einn af þremur gaurum Verenu henni mixtape með þessu sniðuga prógrammi. Skemmtó.

http://muxtape.com/

Berlín og ammli

2008-05-08T13:03:00.000-07:00

Já, hef víst ekkert bloggað síðan ég varð 25 ára. Maður er svo latur svona á gamals aldri. Ákvað sem sé að halda upp á afmælið mitt nóttina sem ég varð 25 ára. Hóaði fólkinu saman í Piekny Pies(fallega hundinum), einum uppáhalds barnum mínum hérna. Ágætis mæting verð ég að segja, og Ewelina og Miria hittu í fyrsta skiptið nýju vini mína. Hef verið hrædd við að blanda þeim saman, en held það hafi nú bara komið nokkuð vel út. Af hræðslu við að verða oficially fullorðin, þá drakk ég náttla alltof mikið, þannig að ég skrópaði í skólanum daginn eftir. Líka illgjarnt að eyða afmælisdeginum í jafn leiðinlegum skóla. Í staðinn fór ég niður að ánni með Miriu og Julien og eyddum við deginum í piknik í sólinni.
Daginn eftir fór ég svo með lest til Berlínar. Ekki í fyrsta skiptið þá náði ég að setjast í vitlaust sæti, eða rétt sæti í röngum vagni og var búin að sofa þar í 5 tíma, þegar einhver leiðindar fjölskylda frá Wroslaw hendir mér úr sætinu. Í hálftómum vagni by the way. Ég, snúðug, færði þá bara dótið mitt yfir í næsta sæti, til að vera ögrandi og leiðinleg. Fannst ég verða að endurheimta unglingsuppreisnina þar sem ég er orðin svona gömul.
En allavega, kom til Berlín og kom með góða veðrið með mér eins og vanalega. Ekkert smá gaman að hitta Verenu aftur, en ég var hjá henni. Hef ekki hitt hana í meira en ár, en það var eins og hafa hitt hana seinast í gær. Hún eins og vanalega, gerir lífið sitt óeðlilega flókið og dramatiskt, þannig að ég saknaði ekkert sápuóperanna, enda hún að deita þrjá stráka þessa dagana! En já, berlín var yndisleg og æðislegt að vera þarna í heila viku.
Yfir helgina gerðist svo dáldið óvænt, Dan vinur minn frá því á seinustu önn, en hann býr í St Pétursborg núna, ákvað að koma okkur öllum á óvart og birtist hérna í Kraká. En, því miður var ég í Berlín, Miria og önnur stelpa í Wroslaw. Hann ákvað því að skella sér til Wroslaw og hitt þær þar. Svo fóru þau til Posnan, og ákváðu svo að heimsækja mig í Berlín. Þannig að ég var guide yfir helgina, og sýndi þeim allt það skemmtilega og frábæra í Berlín. Uppgötvaði þegar ég var þarna,að Berlín er eiginlega fullkomin þegar maður vill ekki fullorðnast strax. Borin er full af 30 ára krökkum sem eru enn að djamma eins og unglingar. Held ég eigi eftir að flytja þangað aftur þegar ég klára skólann hérna í Kraká. 27 ára verður perfect aldur fyrir Berlín. En já, annars er ég bara að fara út í kvöld, því það er frí í skólanum á morgun. Þannig bara bæbæ

Gleðilegt Sumar!

2008-04-25T10:09:00.000-07:00

Já, ég hef verið afskaplega lélegur bloggari undanfarið,en það er nú bara því ég hef haft frá voða littlu að segja. Búin með prófin og skreið í gegnum þau öll. Skólinn alltaf jafn leiðinlegur, en daglega lífið er skemmtilegra heldur en áður. Er nánast aldrei heima hjá mér þessa dagana, þar sem veðrið er gott og ég alltaf úti með skemmtilegu fólki. Svo á ég afmæli á þriðjudaginn, 25 ára. Furðulegt. Finnst sá aldur alltaf vera einhverskonar fullorðinsborder. Maður eigi einhvern veginn að fullorðnast á þeim tímapunkti. En ég nenni þvi eiginlega ekki, held ég geri það bara eftir þrítugt...eða bara fimmtugt. Hvernig ætla ég svo að halda upp á herlegheitin. Það er spurning. Held ég eyði helginni í fyllerí á Singer, en svo ætla ég á mánudaginn að haga mér eins og krakki með Miriu og Ewelinu. Planið er að fara í piknik eftir skóla með blöðrum og fullt af kökum og osti og cherryvodka og láta eins og fíbl. Fer að sjálfsögðu eftir veðri, en það er spáð 20 stigum næstu daga. Svo fer ég 30. til Berlín, þar sem ég verð í nokkra daga eða viku. Veit ekki, er ekki búin að kaupa miðann til baka, fer eftir því hvenær Verena fær ógeð á að hafa mig í heimsókn :)Þannig, bara svaka stuð.

dægradvalir

2008-04-15T06:01:00.000-07:00

Nei, ég er á lífi,ekki enn búin að drekka mig í hel í Kazimierz og vonandi ekki í bráð. Ástæðan fyrir leti minni í bloggheimum, er að ég hef varla verið heima hjá mér. Með 15-20 stiga hita alla daga þá nenni ég hreinlega ekki að hanga inni. Er búin að eyða dögunum með Miriu að borða mandarínur við Wisla ána og kvöldunum í Kazimierz við drykkju og spjall við skemmtilegt fólk. Skólinn, hann kemur einhverstaðar þarna á milli, því að í þessari viku eru próf. Í þokkabót er ég að útbúa nix coverið fyrir bandaríkja og hugsanlega uk markað og í sárlegri leit að vinnu fyrir sumarið, sem by the way gengur ekkert. Þannig ef einhvern vantar grafískan hönnuð til vinnu í sumar...CALL ME!

bóhemarnir fundnir ;)

2008-04-05T08:02:00.000-07:00

Í gær fór ég á ótrúlega skemmtilegan bar. Þetta er pottþétt mekka bóhema og listamanna í kraká og ég hafði ekki hugmynd um þennan stað fyrr en fyrir viku síðan. Eiginlega hálfgerður Sirkus Krakábúa. Málið er að ég er búin að eignast svo ótrúlega skemmtilegan vinahóp. Fór á bar með strák úr skólanum mínum fyrir rúmlega viku síðan og vinir hans komu líka. Og ég er eiginlega bara búin að hanga með þeim síðan. Þau eru öll að gera svipaða hluti og ég, 2 strákar úr ASP, skólanum sem ég fer í á næsta ári. Þau eru líka aðeins eldri heldur en vinir mínir úr skólanum, og bara miklu líkari vinum mínum í Reykjavík og Berlín. Finnst ég loksins geta verið ég sjálf. Er líka búin að kynnast rosalega skemmtilegum karakterum í gegnum þau og bara er ferlega hamingjusöm í augnablikinu. Verst er að ég gæti aldrei blandað saman þessum tveimur vinahópum, þeim nýja og þeim gamla. Cultural differences, vægast sagt :)

Helguheimsókn

2008-04-03T02:55:00.000-07:00

hæhæ, búin að vera ansi bissí seinustu daga þar sem Helga kom að heimsækja mig frá Lundúnarborg. Það var ekkert smá gaman að fá hana í heimsókn, tala íslensku og sýna henni ALLT! Svo margir sem hafa sagts ætla að koma en standa aldrei við það, þannig góð tilbreyting :P Á þeim stutta tíma sem hún var hérna, fórum við í Wielizka saltnámurnar, til Zakopane, Nowa Huta ásamt því auðvitað að rölta um alla Kraká og skoða það sem vert er að skoða þar. Svo fórum við út á bæði föstudags og laugardagskvöldið. Skemmtilegast var þegar við fórum til Zakopane, en við fengum far með Miriu og mömmu hennar sem líka var í heimsókn. Þær þekkja Zakopane mikið betur heldur en ég, og því fórum við alla leiðina upp í eitt fjallið með svona lyftu(cablecar). Ég hef aldrei á ævinni farið upp í svona rosalega hátt fjall, engin smá upplifun! Veðrið var rosalega gott, eins og það er búið að vera alla helgina, eða í kringum 17 gráðurnar, en það var allt ennþá á kafi í snjó upp í fjallinu. Svo gaman að rölta og rúlla sér í snjónum og klifra upp á fjallið. Þar sem Zakopane er alveg á landamærunum á Póllandi og Slóvakíu, þá gat maður staðið með aðra löppina í Póllandi og aðra í Slóvakíu. Þannig að það má segja að við höfum farið til útlanda líka ;)

Pólskir Páskar

2008-03-24T10:58:00.000-07:00

eru allt öðruvísi en íslenskir páskar. Ég og Piotrek fórum til Wroslaw síðdegis á föstudaginn. Kærastan hans náði í okkur á lestarstöðina og fórum svo í íbúðina þeirra. Málið er að þau eru i flutningsferlinu, nýbúin að mála og voru nýbúin að kaupa fullt af húsgögnum í Ikea sem enn átti eftir að setja saman. Þar sem foreldrar Piotreks búa í littlum bæ utan við Wroslaw, þá var planið á föstudaginn að borða, setja saman rúmið þeirra, til að þau hefðu eitthvað að sofa á og svo færum við út og kíktum á næturlífið í Wroslaw. Ennnnnn, eins og það er nú alltaf frekar auðvelt að setja saman hluti úr Ikea, þá var þetta rúm algjört drasl, þannig að við enduðum öll á að fara að sofa pirruð og drukkin kl 12, og þau á dínu á gólfinu.

Vaknaði svo snemma á laugardagsmorguninn og labbaði um gamla bæinn. Fór þar á meðal upp í turn á kirkju sem var meira en 100 metra hár, og hringstigi alla leiðina upp. Ein versta hugmynd sem ég hef fengið á ævi minni. Þetta var þröngur stigi, með háum tröppum og ég hélt í alvörunni að ég væri að fá hjartaáfall af þreytu. Að vísu var útsýnið ferlega fallegt og gott, en átti erfitt með að njóta þess þar sem ég gat varla andað. Og leiðin niður var ekkert betri, var ringluð og þurfti nokkrum sinnum að stoppa, því lappirnar á mér skulfu svo mikið. Að vísu er ég ekki í besta formi, en vil taka það fram að annað fólk var álíka illa á sig komið eftir þessa göngu.

Upp úr 5 komum við Piotrek í heimabæ hans sem er lítill og ljótur. En það skipti engu máli því hann á yndislegustu foreldra sem hægt er að hugsa sér. Mamma hans eldaði handa okkur pierogi og súpu upp úr 6 sem var ótrúlega góð. En þegar ég var nýbúin að borða mig sadda segir hún: þið fáið almennilega máltíð kl 9 þegar hinir gestirnir koma. What. Því borðuðum við í rauninni tvöfaldan kvöldverð, því að máltíðin kl 9 var alvöru stór páskamáltíð. Og það var náttúrulega ekki hægt að segja nei við neinu, því þá væri maður dónalegur, þannig að ég borðaði allt sem fyrir mig var lagt. Kiktum svo aðeins á "lífið" í bænum um kvöldið, en það var ekki mikið. Hitti þó æskuvinkonu Piotreks sem sagði mér fullt af hallærislegu sögum af honum. Sem er alltaf skemmtilegt.

En við máttum ekki fara seint að sofa, því hefðin í Póllandi er þannig að á Páskadag er aðal málið páskamorgunverðurinn. Vöknuðum því snemma og dressuðum okkur upp. Fyrst er farið með bæn(ég og piotrek þótumst bara) og svo er skipts á eggjum og fólki óskað alls hins besta. Svo er sest að snæðingi, og allskyns réttir í boði. Skinkur og salöt og margir skrítnir hlutir sem ég þorði ekki annað en að smakka. Svo vorum við boðin í skírn seinna um daginn hjá frænda Piotreks og þurftum því að fara í messu. Kaþólska messu á pólsku...

Fyrir betur fer stóð messan bara í 1 klst og þá var farið á veitingastað þar sem skírnarveislan var. Og þvílík skírnarveisla! Hef aldrei á ævi minni borðað eins mikið! 5 réttir og allir fáránlega góðir. Er orðin mikill aðdáandi pólskrar matargerðar eftir þessa ferð. Matseðillinn var svona:
-Steikt lifur í eplasósu, sem er fáránlega skrítin en góð blanda.
-Barcz súpa, sem er pólsk rauðkálssúpa með pierogi með sveppum inní. Ótrúlega góð.
-Aðalrétturinn voru svo einhverskonar svínakjötsrúllur með sveppum inn í, sósu, allskyns kartöflum og salati og öðru meðlæti.
-Szarlotka, sem er pólsk eplakaka, borin fram með ís, rjóma og súkkulaðisósu.
-svo skírnarkakan sem var 3ja laga, súkkulaði og hvítt súkkulaði og einhverskonar kaffibúðingur. Rosalega góð.
Þess má geta að við vorum á veitingahúsinu í um 5 tíma!

Svo komum við heim núna í dag á mánudegi. Þannig að ferðin var í rauninni bara ótrúlega mikill matur og ótrúlega mikil pólskukennsla fyrir mig. Því að fjölskylda Piotreks talaði bara pólsku og ég talaði bara ótrúlega mikið við þau. Og ég komst að því að málfræðilega tala ég mjög rétt og mér var bara almennt hrósað frekar mikið fyrir pólskuna mína. Þannig jibbí jei :)

gleðilega páska!

2008-03-20T10:40:00.000-07:00

hæ hæ og hó hó. Er svona hress, því að ég er búin að vera með einhverja kvefpest í marga daga. En þökk sé öllum kveflyfjunum sem ég aflaði mér í apótekinu þá er ég að verða hressari. Sem væntanlega þýðir að ég hafi náð að fá réttar töflur, þrátt fyrir að tala bara pólsku við afgreiðslukonuna. Geri aðrir betur :D
Í dag ákváðum við Agnieszka að þrífa íbúðina dáldið vel, því að Helga kemur að heimsækja mig í næstu viku. Fjarlægði meira að segja nokkra af þeim fjöldamörgu köngulóarvefjum sem eru út um alla íbúð. Næ ekki í alla, því hérna er rosalega hátt til lofts. Er farin að aðlagast náttúrulífinu hérna á Sw. Marka. Erum með allavega 6 Stanislawa á klóstinu, og þeir pirra mig ekkert. Upphaflega var bara ein könguló sem að sjálfsögðu ég skýrði Stanislaw. En svo eru þær orðnar aðeins fleiri. Við Agnieszka veltum því fyrir okkur hversu marga Stanislawa þarf til að þeir séu of margir. Hmmm... Svo eru það náttla dúfurnar fyrir utan hjá mér. Átti eftir að segja ykkur frá þeim. Málið er að húsið mitt er svona bakhús, og glugginn minn snýr að svona littlu plani og þar búa rosalega margar dúfur. Fyrst þegar ég flutti inn, þá vaknaði ég við það að þær væru að "tala" saman á morgnana. Fór í taugarnar á mér fyrst, en núna líkar mér vel við þær og gef þeim stundum að borða. Ein dúfan er meira að segja komin með hreiður fyrir utan gluggan sem ég opna aldrei. Engin egg ennþá þó. En allavega, skrifa sennilega ekki aftur fyrr en eftir Wroslawsferðina mína, þannig bara Gleðilega páska!

heimilisfang

2008-03-16T11:28:00.000-07:00

Þar sem fólk virðist í alvörunni vilja senda mér páskaegg, þá er þetta heimilisfangið:

Fanney Sizemore
Sw. Marka 8/13
32-020 Krakow
Poland

Annars fór ég í smá ferðalag með skólanum í dag. Fórum til lítils bæjar sem ég man ekki hvað heitir, en þar er rosa mikið gert úr pálmasunnudeginum. Pólverjar halda svo brjálað mikið upp á allar hátíðir og missa sig gjörsamlega. Mjög athyglisvert. Að sjálfsögðu eru hátíðarnar með frekar trúarlegu sniði, þannig að kannski ekki alltaf svo skemmtilegar. En athyglisverðar samt sem áður. Fórum svo og skoðuðum ótrúlega fallegan kastala í nágrannabæ. Annars er ég bara þreytt núna og skrifa meira seinna.

daglegt amstur

2008-03-14T02:13:00.000-07:00

Þar sem enginn virðist sýna neinn áhuga á páskasamkeppninni, þá er ég ekkert að setja inn heimilisfangið mitt. Það verður því víst ekkert páskaegg í ár. Ég mun líkleast eyða páskunum í Wroslaw með fjölskyldunni hans Piotreks og honum auðvitað. Með góðfúslegu leyfi kærustunnar. Foreldrar hans voru víst ferlega svekkt þegar ég kom ekki seinast, og það verður gaman að prófa að upplifa pólska páska. Samkvæmt hefðinni fylgir þeim mikil vodkadrykkja, sem ég viðurkenni að mér er alveg sama um :)
Annars er lífið frekar tilbreytingarlítið þessa dagana, bara skóli og stöku barrölt, eins og vanalega. Í gær í Folklore kúrsinum mínum vorum við í leikskólastemmingunni að föndra hefðbundið pólskt páskaföndur. Gaman, gaman :D Svo ótrúlega fínn kúrs, erum alltaf bara í einhverju flippi að dansa pólska þjóðdansa eða syngja. Rosa fjör. Svo er ég líka í leikhúskúrsi. Setjum upp einhverja nútímaútgáfu af Pan Twardowski sem er svona Sæmundur Fróði pólverja. Einhverja hluta vegna fannst kennaranum að ég ætti að leika djöfullinn í líki nemanda. Eitthvað út af dökku yfirbragði mínu. Mér fannst það frekar fyndið, þó ég hefði verið alveg sátt við að leika bara ský eða tré.

Páskasamkeppnin 2008!!!

2008-03-08T03:43:00.000-08:00

Partý heima hjá mér í kvöld, öllum boðið!
Annars ætla ég að efna til samkeppni, allir geta tekið þátt.
Keppnin er svona: Þú kaupir páskaegg handa mér og sendir til mín. Sá sem sendir besta eggið vinnur. Vinningshafinn er BESTUR Í HEIMI og fær 3ja rétta máltíð matreiddri af mér þegar ég kem heim í sumar. Gæti ekki verið betra. Heimilisfangið kemur síðar þar sem ég veit ekki alveg hvar ég á heima. Ekki vera feimin við að taka þátt!

change of plans

2008-03-01T10:11:00.000-08:00

Jæja, endaði aldrei með því að fara til Wroslaws. Hlakkaði rosalega til, en eins fáránlegt og það er, þá vildi kærasta Piotreks ekki að ég kæmi. Mjög heimskulegt, líka þar sem við búum saman. En þar sem mig langaði rosalega að fara í stutt ferðalag, þá fór ég með Miriu og vinkonu hennar til Zakopane. Sá ekki eftir því, því að þetta var rosa góð ferð. Við vorum allar þunnar eftir fimmtudagskvöldið, en ég verð að segja að fjallaloftið og nóg af oscypki sé góð lækning við þynnkunni. Vinkona Miriu er frá Englandi og hefur aldrei farið upp í fjöll áður, þannig að þetta var ótrúlega sérstakt fyrir hana. Fórum með svona lyftu upp í eitt fjallið, og vá, hvað þetta var fallegt! Hún hafði heldur aldrei verið í miklum snjó, þannig að hún gleymir þessari ferð ekki brátt.
Allavega, partýið á fimmtudaginn hjá Miriu, var rosa fínt. Margir af nýju krökkunum úr skólanum komu líka og mér leist bara vel á þau...eða sum þeirra. Eftir nokkur vodkaglös á ég talsvert auðveldara með að tala á pólsku og ég átti í heilu samræðunum við fólk. Ekki slæmt það. Finn strax að ég hafði gott af því að fara í erfiðari bekk, því ég þarf að æfa mig meira, þannig að þetta virkaði eins og spark í rassinn á mér. Er orðin talsvert sleypari að tala bara á einni viku :)

ammli

2008-02-27T03:56:00.000-08:00

Ákvað að challenga sjálfri mér smá og prófaði nýjan bekk í þessari viku. Málið er að eftir prófin var okkur raðað í bekki eftir getu. Ég var sett í A2-1 sem er næsta level á eftir A1 sem ég var í. En sumir voru settir í A2-3 sem er aðeins hraðara farið yfir efnið. Málið er að mér finnst A2-1 bara alltof hægur, þannig að ég prófaði hinn bekkinn sem mér lýst rosa vel á. Leiðist ekki eins mikið, því ég læri svo mikið nýtt, og farið mikið hraðar yfir efnið. Vona að ég fái að halda áfram í þeim bekk, því að þó ég þurfi að vinna meira, þá á ég eftir að læra mikið meira á því. Fer samt allt eftir kennurunum, eru eitthvað efins um okkur, þó ég skilji ekki afhverju, finnst hitt fólkið ekkert klárara.
Allavega, í gær átti Miria afmæli. Af því tilefni var haldin smá "samkoma" heima hjá mér, drukkum vodka og ég bakaði köku. Þetta er án efa ljótasta kaka sem ég hef á ævi minni bakað, en vá, hún var bara rosalega góð. Gerði skúffukökubotninn hennar mömmu, setti svo rjóma og perur og svo marengs á toppinn. Svo bjó ég til eitthvað fáránlega gott súkkulaðikrem úr marsi, súkkulaði, smjöri, eggjarauðum og mjólk. Namminamm. SLó bara í gegn, þó ég segi sjálf frá.
Piotrek er svo ekkert að kvarta yfir okkur Agnieszku þar sem við erum báðar með bökunaræði. Hún er alltaf að baka þessi fáránlega góðu rúnstykki, og ég búin að vera í sætabrauðinu. Er svo ótrúlega ánægð með þau bæði sem meðleigjendur, erum að verða rosa góðir vinir. Piotrek er frá Wroslaw og jazzbandið hans er að spila um helgina, þannig að hann bauð mér að koma í heimsókn. Fer því til Wroslaw á föstudaginn, verð samt sennilegast bara eina nótt. En það verður gaman að prófa að fara til einhverjar aðrar borgar. Hef svo lítið séð af Póllandi. En jæja, ætla að leggja mig smá fyrir leikhústímann minn í kvöld :)

Undur og stórmerki

2008-02-24T14:31:00.000-08:00

Fór í gær í partí með Agnieszku og ótrúlegt en satt, þá hitti ég virkilega kúl pólskt fólk. Var hætt að halda að það væri til. En segi svona, partíið var haldið í 4ra hæða húsi þar sem margir leigja herbergi og eiga þau til að halda stór partí þar sem allir bjóða vinum sínum og kunningjum. Það var því mjög fjölskrúðugur hópur og alvöru dj-ar, sem spiluðu meira að segja fína tónlist. Bara mjög skemmtilegt kvöld.
Annars er ég bara búin að vera ferlega löt um helgina og legið mikið í rúminu og horft á project catwalk. Jeiii. Alltaf svo gaman að því.
Alex hringdi aftur í mig í dag. Hún gefst ekkert upp stelpan. FInnst ég svo vond, en ég nenni bara ekki að hanga með henni. Laug upp einhverju verkefni sem ég væri að vinna að... En núna er ég búin að seiva númerið hennar, þannig að ég get bara sleppt því að svara næst. Bara svo óþægilegt, afhverju á ég að vera að eyða mínum frítíma með fólki sem fer í taugarnar á mér? Það er einhver handa öllum, hún hlýtur að geta fundið sér aðra vini.
Í tilefni konudagsins fór ég með Miriu og Ewelinu á mega chick-flick- 27 dresses. Eiginlega bara mjög sæt og skemmtileg mynd :) En jæja, ætla að halda letinni áfram. pa pa

zzzzzz

2008-02-23T06:56:00.001-08:00

Ég eeeeelska nýja rúmið mitt. Sef alveg ótrúlega vel í því. Er líka búin að gera herbergið mitt svo fínt. Vaknaði samt við pirrandi símhringingu á föstudagsmorguninn, mína fyrstu nótt í nýja rúminu mínu. Málið var að bekkurinn minn átti frí í skólanum á föstudaginn, þannig að mér fannst nú tilvalið að sofa út og njóta rúmsins míns sem best. Vakna ég ekki við það kl 8 að Alex ein stelpan í bekknum mínum hringir. Og ég get ekki sagt að við séum neinar vinkonur. Samtalið var svona(og takið inn í að Alex talar með mjög kanadískum hreim)
Alex: uhhhh....hi.....did I wake you?
ég: yes...who is it?
Alex: ohhhh...(þögn) It´s Alex
svo segir hún bara ekki neitt, þannig að ég segi:was it something special?
Alex: uuuhhhhh, ohhhhhh, what are you doing today?
ég:(reyna að finna ástæðu) hmmm, I'm just gonna stay at home and make my room look nice.
Alex:(þögn)..ohh, that sounds interesting.(svo kemur mjöööög löng þögn)
ég: hmm, I´m going back to sleep now. Bye

Þessi stelpa er alveg ótrúleg! Auðvitað sofnaði ég ekkert aftur. Greyið, pínku clueless satt að segja. Spurði mig einu sinni hvort við hefðum gras á Íslandi, þið vitið á jörðinni! Svo var hún einu sinni ótrúlega hissa yfir því að þeir grilluðu með kolum hérna, vissi ekki að það væri hefðbundna leiðin fyrir gasið. Var svo rosa hissa að við virkilega grilluðum á Íslandi. Jamm, hvað get ég sagt, svona fólk dregst að mér. Þarf að fá mér flugnaspaða.

Annars var ég bara í húsmóðurleik í gær. Byrjaði á því að baka vínarbrauð og snúða sem slógu svona aldeilis í gegn. Bauð svo Söru, Agnieszku og vini Söru í lasagne um kvöldið. Spiluðum svo scrabble á pólsku. Vorum í liðum, einn pólverji í hverju liði :) Ég náði samt ótrúlega oft að búa til einhver bullorð sem voru svo alvöru pólsk orð. Held ég hafi bara ágætis tílfinningu fyrir þessu tungumáli :) Fórum svo á B-side. Það var mjög gaman en ekki það sama án Dans og Gaby :(

Í dag hef ég bara verið að horfa á Project Catwalk 3, jeiii. Fer svo í partí með Agnieszku í kvöld. Er víst heill stigagangur sem heldur þessi brjáluðu partí saman. Verður örugglega fjör.

amsterdam, skóli og ikea

2008-02-20T11:59:00.000-08:00

Komin heim frá Amsterdam. Rosa skemmtileg og notaleg ferð. Leigði mér hjól, þannig að ég hjólaði ótrúlega mikið, ásamt þvi að kíkja á stöku söfn og fullt af mörkuðum. Keypti smá, bara pínku...eða kannski aðeins meira en ég ætlaði mér. En hei, sumir skór eru bara of flottir!
Fór svo í skólann í dag. Mér til mikillar óánægju þá er ég með nánast sama fólkinu í bekk. Fyrir utan bestu vinkonu mína í bekknum, Sarah, en hún er í aðeins klárari bekk. Sérstaklega fannst mér pirrandi að þær tvær manneskjur sem fara mest í taugarnar á mér í bekknum, eru með mér aftur núna. Eru eitthvað svo óendanlega lengi að svara öllu, fæ alveg gæsahúð af pirringi. Ekki gott.
Annars fór ég í Ikea í dag og keypti mér rúm. Því miður er það ekki sent til mín fyrr en í fyrramálið, en ég veit að ég á eftir að sofa betur í nótt, vitandi að það sé seinasta nóttin í hryllingsrúminu. Keypti mér æðislegt rúm, boxdínu með yfirdínu, 160cm. Draumur í dós, og það á tæplegan 15000 kall. Sá að það var talsverður munur á verði, í Ikea í Póllandi og heima. Munaði 10000 kr, bara á boxdínunni. Sjálfsagt talsvert meira, ef ég bæti öllu hinu við. Keypti smá meira líka í Ikea...hei, nenni ekki alltaf að vera að fara þangað!
En allavega, ætla að horfa á fyrsta þáttinn af nýju seríunni í Skins. Þætti sem eru ooooof góðir og fáránlega fyndnir. Mæli með þeim.

Amsterdam 1

2008-02-14T08:26:00.000-08:00

Búin að vera 2 daga í Amsterdam og mig langar nú bara að búa hérna. Allavega einhvern timan. Svo ótrúlega fallegt, en samt rólegt og næs. Líka fullt af skemmtilega skrítnum húsum og búðum. Svaka gaman.
Ferðalagið frá Krakow gekk bara vel, fyrir utan það að ég lenti í smá kröggum í Eindhoven. Málið var að ég var svo veik nóttina áður en ég fór, að ég náði ekki að skipta zlotiunum mínum í evrur. Ætlaði þá bara að skipta þeim í Eindhoven, enda bjóst ég við því að það væri banki þar. En nei, svo var ekki, ég því peningalaus í Eindhoven og LÍN ekki búnir að borga inn á debetkortið mitt og rútan að fara eftir hálftíma. Mjög gott að eiga systir á Íslandi sem var tilbúin að hlaupa út í banka til að redda mér. Því miður er búið að vera algjört rugl hjá LÍN, þannig að ég er ekki enn búin að fá pening. Að sumu leiti gott, því að ég hefði sennilega eytt um 20000 kalli í eitthvað rugl í dag. Búin að sjá svo mikið flott :)
Fór í gær í Van Gogh safnið, rosa gaman, fyrir utan endalaust mikið af túristum og nemendum sem voru búnir að planta sér fyrir framan málverkin og voru að teikna einhverjar viðvaningslegar eftirhermur. Við Ingunn og Gummi fórum svo í gærkveldi í bíó að sjá Sweenie Todd. Myndin var sýnd í bíói sem er það langflottasta sem ég hef séð á ævi minni. Alveg upprunalegt í art nouveau-stíl. Algjört ævintýri og passaði mjög vel fyrir þessa mynd, sem er mjög skemmtileg og flott. En allavega, Ingunn komin heim, þannig að við verðum að leggja á ráðin fyrir kvöldið :)

dægradvöl

2008-02-11T07:08:00.000-08:00

Fór í gær í bíó með Miriu á myndina Atonement. Rosalega góð mynd, ofurdramatísk og sorgleg, en myndin er visually svo ógeðslega flott og vel gerð. Mæli með henni. Annars var gærdagurinn í heildina ferlega afslappandi og góður. Búið að vera svo mikið að gera hjá mér undanfarið, að ég naut þess að geta hangið bara heima og gert EKKERT. Í kvöld er ég að fara að í matarboð hjá Ewelinu í Zazcek og þá verð ég að kveðja Francesco líka. Sá seinasti sem ég þarf að kveðja í bili. Tekur alveg á, að vera alltaf sívælandi og segja bless. Fer svo á morgun til Amsterdam, þannig þetta er seinasta færslan í viku. bæbæ

chaaangessss

2008-02-07T10:35:00.000-08:00

Sit hérna og blogga í fyrsta skiptið frá nýja herberginu. Flutningarnir áttu sér stað í gær, en ég kláraði að þrífa herbergið mitt og skila því af mér í Zazcek í dag. Er nú bara nokkuð ánægð í nýja herberginu mínu, fyrir utan það að hlakka til að mála það og gera það fínt. Og, mig vantar nýtt rúm. Hef aldrei sofið á eins óþægilegu rúmi á ævi minni, berlínardínan var virkilega þægileg við hliðina á þessum gormaskratta. Var bara lurkum laminn og ÞREYTT eftir að sofa. Ætlaði að láta þetta duga í einn mánuð, en held ég verði að gera eitthvað í þessu.
Annars hafa seinustu 3 dagar verið ansi viðburðarríkir. Kláraði skólann, fékk fínar einkunnir, meira að segja 4 fyrir að tala(það er eins og 8 á íslandi). Í gær var seinasta kvöldið okkar vinanna allra saman, því að Dan og Gaby fóru í dag. Auðvitað var ætlunin að það yrði rosa gaman, en allir voru bara leiðir og þunglyndir. Kvaddi þau svo í dag, og auðvitað grenjaði ég úr mér augun. Því búinn að vera frekar emotional dagur, og kvíðir nú bara fyrir að þurfa að kveðja Nelly og Francesco um helgina. Annars vil ég bara segja að ég er rosa stolt af littlu syss, sem var að ná verklega prófinu í Rafvirjun! jeiiiii...

aldrei aftur Wisnówki!

2008-02-04T08:47:00.000-08:00

Gleðilegan bolludag! Segir rjómabollulausa manneskjan í KRaká :(
Var í aðal skriflega prófinu í dag í pólsku. Held mér hafi gengið ágætlega, maður veit aldrei með svona, maður gerir stundum svo miklar klaufavillur. En ég held að þetta hafi verið í lagi. Bara eitt próf eftir, og það er munnlega prófið á morgun. Ætla ekki að fríka út af stressi eins og seinast!
Auðvitað hefði ég átt að vera að heima og læra alla helgina, en það var víst ekki þannig. Málið er að 4 bestu vinir mínir hérna eru að fara í vikunni, þannig að þetta var seinasta helgin okkar saman. Fórum á B-side á föstudaginn, og þar dansaði ég eins og brjálæðingur. Alltaf svo gaman þar.
Á laugardaginn var grímudansleikur í skólanum. Bjó mér til rosa fína fjaðragrímu. Ballið var ágætt, ekkert spes, ef ekki hefði verið fyrir mikið magn af wisnówki sem við drukkum til að þrauka. ÞEtta var svona samkvæmi fullt af pólskum samkvæmisleikjum. Er nú ekkert rosa mikið gefin fyrir það, en hei, it´s Poland. Fyndnast var þegar Dan ákvað að hann yrði að verða kóngur ballsins og dró stelpuna úr dómnefndinni með sér í brjálaðan dans. En málið er að hann kann virkilega að dansa svona samkvæmisdansa, og stelpan varð sennilega ástfanginn af honum fyrir lífstíð. Þetta var eins og eitthvað atriði í bíómynd, en hei, þetta virkaði og hann fékk glimmer kórónu. Jeiii.
Annars er ég komin með lyklana af nýju íbúðinni og flyt á morgun eða hinn. Jibbí. No more Zazcek!

Feitur fimmtudagur

2008-01-31T04:07:00.001-08:00

eða Tłusty czwartek eins og það kallast á pólsku er í dag. Þetta er seinasti "villti" matardagurinn fyrir Carnivalið sem er að nálgast. Í dag á maður að borða fullt af paczki, sem eru littlar bollur búnar til úr hálfgerðu kleinuhringjadeigi, með sultu inn í og glassúr utan á. Paczki fást nú allt árið um kring, en ég var nú bara að smakka þetta í fyrsta skiptið í vikunni og namminamm, verð að segja að þessi dagur fer bara ekkert í taugarnar á mér :)

komin með herbergi

2008-01-28T14:30:00.000-08:00

Fann óvænt herbergi í dag. Hafði hugsað um að finna kannski íbúð með Miriu, en það er dáldið dýrt. En allavega, herbergið sem ég fæ, er á ótrúlega góðum stað, rétt hjá Rynekinu, og í ótrúlega skrítinni og gamalli íbúð. Hún er mjög hrá og fáránlega skipulögð, en herbergið sem ég fæ er mjög kúl, stórt og hálfur hringur, með tveimur stórum gluggum. Það góða, er að út af því hvað þetta er hrátt, þá má maður gera allt, mála og svona. Mjög fyndið er að baðkarið er í eldhúsinu. Klóstið er annars staðar þó. Og það er hægt að loka eldhúsinu :)
Hérna er hægt að sjá myndir sem einhver gaur tók einu sinni. Þetta er þó ekki fólkið sme ég mun búa með. Fleiri myndir eru UNDIR stóru myndinni, sumum fannst það flókið(hósthóst sölvi...).
http://www.sakiewicz.com/komuna/komuna.htm

helgarfréttir

2008-01-27T15:10:00.001-08:00

Ég lærði ótrúlega mikið um helgina...nei, reyndar ekki. En ég er búin að læra fullt af nýjum pólskum orðum meðfram húsnæðisleitinni minni. Ég og Miria fórum í gær að skoða 2 herergi í íbúð á besta stað í bænum. Leit mjög vel út, baðherbergið og eldhúsið rosa fínt. Eini gallinn er skortur á interneti. Ætlum að hringja morgun og spyrja betur út í það, því að mörg gömul hús hérna eru ekki með tengi fyrir það. Þannig að internetið er rosa hægt og lélegt. En kemur annars vel til greina. Förum svo annað kvöld að skoða íbúð. Annars var helgin bara mjög fin, föstudagurinn fór í sjónvarpsgláp og í gærkvöldi var partí i mínu herbergi, þar sem við spiluðum drykkjuleiki og hlustuðum á gömul íslensk sjómannalög, sem by the way féllu mjög í kramið. Dagurinn í dag fór bara í rólegheit, horfði á Chocolat og borðaði súkkulaði og svo bauð Dan okkur áðan heim til sín í te og köku og minitónleika. Hann syngur og spilar á gítar, og er nú bara nokkuð góður. En núna ætla ég að fara að sofa, dobranoc!

húsnæðisleit og rucolaleit.

2008-01-24T13:11:00.000-08:00

Ég hef verið á fullu í húsnæðisleitinni þessa dagana. Fór og skoðaði eitt herbergi í gær sem var rosalega vel staðsett, en það var frekar depressing. Brúnir veggir og alltof mikið af húsgögnum, og þetta var eiginlega allt mjög ömmulegt á vondan hátt, frekar en retró. Eeeen, er rosa stolt hvað ég er farin að skilja vel húsnæðisauglýsingarnar. Er komin með húsnæðis-orðaforðann á hreinu, sem gerir þetta allt mikið auðveldara. Við Miria erum að fara að skoða 2 herbergi í íbúð á laugardaginn.Hljómar rosa vel, 2 herbergi sem eru samtengd, með aðgang að eldhúsi, baði, þvottaaðstöðu og öllu. Herbergin eru samtals um 50 fm, og mjög stutt frá skólanum okkar og Wawel. Hljómar vel. Erum rosa spenntar.
Eeen, annað mikilvægt atriði. Fann rucolakál í fyrsta skiptið í Kraká. Og ferskt spínat og cherrytómata. Fann nefnilega þennan risa grænmetismarkað sem er rosa spennó. Getið ímyndað ykkur hversu hamingjusöm ég er. Búin að borða draumasalatið hennar Rögnu 2 daga í röð. Það er einn uppáhaldsmaturinn minn sem ég hef ekki borðað síðan í sumar, þannig að ég er glöð.

Þjófnaður

2008-01-22T03:27:00.000-08:00

Þegar ég kom heim áðan, þá hékk bútur af klósettrúllunni minni út um dyrnar. Kem inn og sé að klósettrúllan mín var ekki þar sem hún átti að vera. Þá hafði hún sem sé rúllað hálf út um dyrnar, þegar ég fór út í morgun, og einhver hefur virkilega haft fyrir því að draga hana út...þess má geta að svona rúlla kostar heilt zloty eða um 24kr íslenskar. Já, nágrannar mínir eru fávitar.
Annars er ég oggu pínku pirruð af Póllandi í augnablikinu, það verður gott að heimsækja Ingunni í Amsterdam. Fer ekki til Berlín núna. Það var ferlega erfitt að finna gott flug þangað, öll svo dýr. Fór í gær að athuga með lestarferðir og ég verð að segja að þjónustulundin á lestarstöðinni er alveg að drepa fólk. Þó ég geti alveg talað smá á pólsku, þá skil ég ekki alltaf hvað fólk segir við mig. Þannig að ég ákvað að nota bara ensku þarna, til að fá réttar upplýsingar. Einu upplýsingarnar sem ég vildi fá, var hversu langan tíma það tæki að fara til Amsterdam, og hvað það kostaði. Fór fyrst í miðasöluna, og hún benti mér á að fara í international miðasöluna. Fer þangað, og konan gat nú eitthvað bjagað á ensku. En hún benti mér að fara í information, og koma svo að kaupa miða. Þar talar kerlingin enga ensku og er heldur ekkert sérlega þolinmóð þegar ég reyni að spyrjast fyrir á pólsku. Sendir mig því aftur í international miðasöluna. Bið konuna þar um að hjálpa mér, hún fer eitthvað aðeins í tölvuna á bak við og segir svo "Ég veit það ekki", og segir mér að fara á kassa 22, en þegar ég fer þangað þá er enginn þar. Var svona oggupínku pirruð og fór út. En fyrir betur fer þá hef ég fundið flug frá Katowice til Eindhoven. Það verður því 2 tíma lest héðan til Katowice og svo 1 og hálfur tími frá Eindhoven til Amsterdam. Maður fer létt með það.

blabla

2008-01-16T09:27:00.000-08:00

Janúar er búinn að vera ótrúlega fljótur að líða, eiginlega of fljótur, því það þýðir að það styttist í prófin og að flestir bestu vinir mínir hérna eru að fara aftur heim. Því höfum við eytt seinustu viku að mestu í fyllerí og rugl, svona til að sletta úr klaufunum fyrir prófin. Margir í skólanum eru bara eina önn hérna, vildi að það væri þannig farið með mig... Neinei, ekkert að Kraká, er bara komin upp í háls af pólskunáminu. En kannski breytist þetta eitthvað á næstu önn. Finnst ég samt vera farin að vera fljótari að læra, það er eins og heilinn hafi þurft einhverja aðlögun í að læra tungumál, enda ekkert smá mikið magn af upplýsingum sem maður er að meðtaka á hverjum degi. Önninni líkur 7.febrúar, og þá fer ég í 2 vikna frí. Ætla ekki að láta þetta frí fara til spillis, og fer sennilegast til Amsterdam og Berlín. jeiiii. Það verður pottþétt rosa skemmtó. Er samt kannski að fara í stutta ferð til Zakopane um helgina, kemur betur í ljós...

pizza og myndir

2008-01-10T04:36:00.000-08:00

Trúið þið því að mér tókst að panta pizzu SJÁLF og á pólsku. Var alltaf í vandræðum með það, því ég gat ekki einu sinni borið fram nafnið á húsinu sem ég bý í. Þess vegna hringdi Ilona alltaf fyrir mig, en núna er hún ekki hér, þannig að maður verður að bjarga sér. Annars er ég búin að finna leið fyrir-ekkifacebúkara til að sjá myndirnar mínar. Hérna eru linkar á albúmin mín:

http://www.facebook.com/album.php?aid=35617&l=0417f&id=612436205

http://www.facebook.com/album.php?aid=33333&l=5cf3f&id=612436205

http://www.facebook.com/album.php?aid=33331&l=9cfee&id=612436205

http://www.facebook.com/album.php?aid=30605&l=a1f1b&id=612436205

http://www.facebook.com/album.php?aid=30604&l=1f11f&id=612436205

nóanóa

2008-01-09T10:17:00.000-08:00

Úff, ekki gaman að vera byrjuð í skólanum aftur. Enn verra er að vita að prófin byrji eftir 3 vikur, og að flestir bestu vinir mínir hérna eru að fara frá Póllandi. Því þarf að nýta næstu 2 vikur vel. Fórum út í gær og drukkum allt of mikið. En það var rosa gaman. Bitnaði heldur ekki á náminu, því ég þurfti ekki að mæta fyrr en 12. Vaknaði meira að segja kl 10(enn full reyndar...) til að fara á pólsku wikipediu til að búa til fyrirlestur um Ísland. Fannst þetta helvíti sniðug leið ;)
Fór svo áðan í bíó á Nóa Albínóa með pólskum texta. Eins og þið sjáið, þá er ég dugleg að læra pólsku á vettvangi í frítíma mínum líka...
Las líka alveg textann, sá t.d að Malt var þýtt sem bjór,sem er ógeðslega hallærislegt, því þá kemur það út eins og amman sé að taka pillurnar sínar inn með bjór á morgnana. Frekar glatað. En jæja, rólegt kvöld í kvöld, bæbæ

Across the universe

2008-01-06T14:22:00.000-08:00

er æðislegasta mynd í heimi.

tiltekt

2008-01-04T16:09:00.000-08:00

Ilona flutti út í gær, þannig að ég ákvað að taka daginn í að gera herbergið að mínu. Breytti uppröðuninni á húsgögnunum og skyndilega virðist herbergið helmingi stærra. Hengdi líka upp myndir og herbergið mitt er eiginlega bara orðið ferlega kósí, áreiðanlega flottasta herbergið í Zazcek, eða eitthvað...
Vona að ég fái ekki annan herbergisfélaga, langar að vera hérna ein, þangað til ég finn mér eitthvað annað fyrir mars eða apríl. Annars er ég eiginlega ekki búin að gera neitt í dag, nema að koma mér fyrir og njóta þess að vera ALEIN! Ferlega góð tilfinning svona annaðs lagið, og munaður sem ég hef ekki getað leyft mér lengi.

kraká-kráka

2008-01-02T14:03:00.000-08:00

Gamlárskvöld var frábært. Ekkert skaup, horfi kannski á það seinna, og get þá SPÓLAÐ ÁFRAM! Vorum um 7 manns heima hjá Andi og borðuðum fondue og kjúkling og salöt, og maturinn og andrúmsloftið var bara frábært. Upp úr 11 bættist fleira fólk í hópinn og svo var farið út að skjóta flugeldum. Raketturnar er í talsvert lægri gæðaflokki en heima á Íslandi, en who cares. Það var samt stemming og fjör. Dönsuðum svo heima til 4, fórum svo á stað í Kreuzberg sem heitir West Germany, en einn vinur Andi var að spila. Það var gaman. Fórum svo á 8mm bar þar sem við vorum til 9:30. Ótrúlega skemmtilegt kvöld. Tók svo lestina í morgun kl 10, fór óvart í vitlaust sæti á 1.farrími, hélt ég væri á réttum stað. Var þar í 4 tíma, eða þar til vörðurinn kom að skoða miðanna. Þurfti þá að færa mig. En hei, náði þó ágætis svefni. Náði líka að lesa mikið í Óraplágunni, sem er stórskemmtileg. Var svo að komast að því að Ilona herbergisfélagi minn er að flytja annað á morgun! Hún er komin með algjört ógeð af ógeðisgaurunum á hæðinni. Don´t blame her, enda prófin í nánd. Ég fer örugglega að leita mér að einhverju bráðlega, fyrir næsta eða þarnæsta mánuð. Spurning hvað gerist þá í herbergisfélagadæminu hjá mér. Stundum er fólk óvart eitt í herbergi í nokkra mánuði, en svo gæti alveg eins verið að ég fái nýjan herbergisfélaga strax. Vona að það sé þá einhver almennileg manneskja.

ogedsleg ferd

2007-12-31T05:22:00.000-08:00

Eg helt ad ekki vaeri haegt ad toppa bidina i kaupmannahofn fyrr i manudinum, hvad ogedsleg ferdalog vardar. En ju, tad var haegt. Maetti stundvislega a flugvellinn i gaer kl 6, 2 timum fyrir brottfor. Hafdi bara sofid i 1 tima, af stressi yfir tvi ad lenda i stormi og ollu yrdi seinkad. En nei, textavarpid var jakvaett og allt leit ut fyrir ad vera i lagi. kl 7:45 var eg maett ad hlidinu asamt odrum fartegum og beid, og mjog jakvaed um ad allt yrdi i lagi, enda vissi eg ad onnur flugvel var farin. En nei, kl 8:00 er sagt ad tad verdi sma seinkun. Og tannig helt tad afram til 14:45 tegar vid nadum loksins ad fljuga. Hafdi bedid serstaklega um gluggasaeti, tar sem eg aetladi ad nyta mer flugid til ad sofa. En nei, ta hofdu teir notad minni vel, og tvi var saetid mitt nr 39A ekki til i tessari flugvel. Tvi turfti eg ad sitja vid ganginn og hlidna a einhverjum otolandi gaur sem vildi fara a klostid rett eftir ad vid fengum matinn. Jebb, imyndid ykkur vesenid. Svo i hvert skipti sem eg var alveg ad sofna, ta rakst einhver fartegi eda flugfreyja i mig, enda sat eg vid ganginn. En tegar vid lentum loksins i koben, ta hofst naesta vesen. Ad finna farangurinn minn, enda hrikalegt kaos a flugvellinum. Taskan min var a einhverju allt odru faeribandi, en eg komst ad tvi eftir ad hafa hlaupid ut um allan voll i von um upplysingar. Enda fekk eg vaegt modursykiskast og hringdi i mommu gratandi, enda var eg ogedslega treytt og enn eftir ad finna ut hvad eg myndi gera hvad vardadi flug til berlin. Enda hafdi eg misst af minu, tar sem tad hafdi verid kl 3 um daginn. En eg herti mig upp, og fann Sterling skrifstofuna. Komst ad tvi ad eg fengi ekki trygginguna sem var a fluginu ekki borgada fyrr en seinna, tannig ad eg turfti bara ad gjora svo vel ad kaupa nytt flug a stadnum. Fyrir betur var Easyjet ad fljuga seinna um kvoldid, en mer fannst tad ansi blodugt ad turfa ad reyda ut 12000 kall fyrir 45 minutna flug, og tad med laggjaldaflugfelagi. Man ad eg borgadi einu sinni 500 kr fyrir sama flug. En eg komst to loksins til berlin, tar sem eg lenti i sama ferdatoskukaosi og i kaupmannahofn. En fann to loksins toskuna mina, og komst loksin heim til Andi. Held eg hafi aldrei sofid svona vel a aevi minni, og tad a hryllingssvampdynunni fra tvi ad eg bjo herna. En nuna erum vid ad undirbua gamlarskvold matarbodid sem verdur herna i kvold. Verdum med Fondue og kjukling og eitthvad fleira. Svo er eg buin ad kaupa 80 stjornuljos! Gledilegt nytt ar!!!

Gleðileg Jól

2007-12-24T07:44:00.001-08:00

Þorláksmessukvöld

2007-12-23T13:32:00.000-08:00

og ég er ekki að rölta í bænum. Fór í dag að upplifa laugarvegs-jólastemminguna, þannig að í kvöld ákvað ég að hjúfra mig heima með mömmu fyrir framan jólatréð með bolla af krydduðu rauðvíni. Eiginlega bara ferlega jólalegt. Núna er ég bara að vona að það fari að snjóa glás í nótt og þá er ég fullkomnlega sátt. Hef eiginlega voðalega lítið að segja, hef eytt seinustu dögum í að vera aðstoðar-jólainnkaupamanneskja. Ég er sérlega góð í að láta annað fólk eyða peningum,það á sérstaklega við í fatainnkaupum. Fólk endar alltaf með að kaupa meira af fötum en það ætlar sér, en hei, það þakkar mér seinna! En já, ætla að klára að búa til jólakortið mitt. bæbæ.

ljúfa líf

2007-12-20T05:16:00.000-08:00

Dagar mínir á heimaslóðum hafa nú bara verið ansi ljúfir, þrátt fyrir þetta viðbjóðslega veður. Var búin að gleyma hvað það er dimmt á daginn hérna á Íslandi, og hversu klikkuð rigningin er. Bardzo intensewny pada deszsz, myndu pólverjarnir segja, en sennilegast skrifa það öðruvísi ;) Er búin að hitta flesta vini mína held ég, en aftur á móti eytt minni tíma með fjölskyldunni, en hei, þau eiga mig öll jólin! Hef eytt miklum tíma í að hjálpa öðru fólki að velja jólagjafir, enda er ég sérlega góður jólagjafaráðgjafi. Þó ég gefi nú ekkert merkilegar gjafir sjálf í ár. Svo er ég búin að ná að sjá Abbababb, Mary Higgins Clark og Nix Noltes í búðunum. Nix Noltes kom einmitt út í fyrradag, mæli með því að allir kaupi þennan frábæra disk! En já, svosum ekkert merkilegt að segja, ég nýt þess bara að sofa til 11 og hangsa...

back in iceland

2007-12-17T03:14:00.000-08:00

Ferðalagið frá Köben var eitt það hræðilegasta sem ég veit um. Endaði með því að fluginu var seinkað um 14 tíma, og ég var í 11 tíma á flugvellinum. Var orðin svo einhverf í endann að ég eyddi 1 og hálfum tíma við að gera origami fugla. En núna er ég úthvíld og ánægð með að vera komin aftur á klakann. Fór á kaffibarinn með Kristínu og fleirum á laugardaginn og dönsuðum fram á nótt. Mjög gaman. Fannst samt allir vera óvenju fullir, en fattaði svo að það er bara langt síðan ég hef djammað á Íslandi! En já, núna er bara að finna tíma til að hitta ALLA! Því miður týndust öll símanúmer af kortinu mínu, frekar glatað, þannig að fólk verður bara að hafa samband við mig. Er með númerið sem ég fékk mér eftir að símanum mínum var stolið.

föst i köben

2007-12-14T02:27:00.000-08:00

Samkvæmt áætlun hefði ég átt að vera að labba inn í flugvélina sem myndi flytja mig heim. En nei, haldið þið ekki að íslensk náttúruöfl hafi ákveðið að hleypa mér ekkert heim strax. Fékk sms snemma í morgun, um að áætluðu flugi hafi verið seinkað um 3 tíma, og svo kíktum við á netið og það stendur núna að ég fljúgi ekki fyrr en kl 5 í kvöld. þannig að við vonum að ég komist heim í dag. Eina góða, er að ég fæ að slappa af og hangsa með Rögnu, því hún þarf ekki að fara að vinna fyrr en kl 3 í dag. Annars bara búið að vera gaman hérna, Kaupmannahöfn er skemmtilegri heldur en ég hafði ímyndað mér. Fórum út að borða í gær með fleira fólki, því miður var maturinn ekkert sérstakur, og alltof lítið af honum, og allt overpriced. En þetta var experience í anda Völu Matt. Því hún hefur víst fjallað um þennan stað. Jább, hann var það tilgerðarlegur. En núna erum við glorhungraðar og ætlum að finna okkur eitthvað almennilegt æti, með fleiri en 3 bitum á disknum!

pakketípakk

2007-12-12T14:06:00.000-08:00

Er loksins farin að pakka eftir að hafa eytt kvöldinu í ótrúlega góðan mat. Fór með nokkrum skólafélögum og fengum okkur sushi. Ég hef aldrei smakkað sushi áður, alltaf verið pínku hrædd við það, enda hræðir artificial looking matur mig alltaf dáldið. En maturinn var ferlega góður og veitingastaðurinn skemmtilega hannaður. Höfðum okkar eigið japanskt herbergi, og sátum á púðum á gólfinu. Þannig bara svaka stemming. Lokuðum því svo af og lágum eins og klessur á gólfinu eftir matinn. Fórum svo á annan stað til að fá okkur desert. Að sjálfsögðu! Staðurinn sem við fórum á, selur bara ís og deserta. Fékk mér cremé brulé, og endaði í einhverju sykursjokki! En þetta var allt rosa skemmtilegt, og verður ennþá skemmtilegra á morgun, þegar ég heimsæki Rögnu í Köben. Verst er að hún var að byrja í nýrri vinnu, þannig að ég þarf að bjarga mér sjálf frá 12-6, en ég ætti að geta fundið mér eitthvað til dundurs. Þannig að sennilegast verður næsta færsla bara á íslandi! Jeiiii

Carbonarakvöld

2007-12-10T14:04:00.000-08:00

Við vinirnir ákváðum að elda saman, eða réttara sagt Francesco, ítalinn ákvað að elda fyrir okkur alvöru pasta carbonara. Þetta var alveg fáránlega gott pasta, og ég fylgdist vel með, þannig að núna get ég galdrað fram gott carbonara. Ekki slæmt. Þetta var svo ótrúlega gaman, að á næsta ári(skrítið að geta sagt það! tíminn líður) ætlum við að bjóða hvort öðru í mat, einu sinni í viku. Ágætt að gera eitthvað svona á virkum dögum, enda flestir komnir með ógeð á herbergjunum sínum. Annars er skólinn búinn að vera ágætur undanfarið, því að kennarnir eru komnir í jólaskap og farnir að slaka aðeins á. T.d eyddum við löngum tíma í dag, bara í að syngja pólsk jólalög, svo förum við á einhverja jólasýningu á miðvikudaginn. Já, skólinn minn er á grunnskólastigi! En ég kvarta ekki, enda get ég ekki beðið eftir því að koma heim til Íslands og ekki tala pólsku í heilar tvær vikur!!! Fyrir utan sennilega öll skiptin sem fólk á eftir að biðja mig um að segja eitthvað á pólsku...

tískusýning ASP

2007-12-09T14:48:00.000-08:00

Fór áðan með Mögdu á tískusýningu sem vöruhönnunardeild listakademíunnar hélt. Það er ekki fatahönnunardeild þar, en vöruhönnunin er samt sem áður að gera föt, og ekki góð föt. VIl ekki vera leiðinleg, en þetta er án efa lélegasta tískusýning sem ég hef farið á. Bæði voru fötin óspennandi, ófrumleg og leiðinleg, þá voru módelin ótrúlega léleg líka. Enginn þeirra gat labbað almennilega og voru of mikið að dilla mjöðmunum og reyna að vera sexí, en urðu eiginlega bara hlægilegar í staðinn. En þetta var samt sem áður hin besta skemmtun. Annars bjóst ég svosum ekki við mjög spennandi fötum, miðað við hvað Krakábúar eru leiðinlegir í fatavali. Hef samt tekið eftir því hvað konur eru rosalega vel stíliseraðar frá toppi til táar, allt passar rosalega vel saman. En mér finnst tískan samt sem áður ekkert sérstök, meira lagt upp úr því að vera sexí heldur en kúl, og verður þar af leiðandi oft dálítill eurotrash fílingur í þessu. Eeeeen,pólskar konur mega eiga það að vera ekki hræddar við að vera með flottar klippingar! En annars er mig farið að hlakka rosalega til að koma heim, hitta alla og fá að tala íslensku og ekki læra neina pólsku í tvær vikur!

jólagjafir

2007-12-05T13:33:00.000-08:00

Jólagjafainnkaupin verða sífellt flóknari. Seinustu árin hefur vandinn aðalega verið að finna réttar gjafir fyrir lítinn pening. Í ár er það að finna ekki of dýrar gjafir, sem eru léttar, ekki brothættar, má taka með í flugvél og taka ekki of mikið pláss í farangrinum. Held ég hafi fundið ágæta lausn...BLÖÐRUR! nei, bara að plata. Gef engar vísbendingar...

gangadrama

2007-12-05T00:52:00.000-08:00

Hafði hugsað mér að þrauka kannski á stúdentagörðunum fram á vor, en ég held að ég reyni að finna mér eitthvað nýtt snemma á næsta ári. Ástæðan er tvíþætt, annars vegar er ég komin með algjört ógeð af strákunum sem búa á hæðinni minni. Þetta er hópur af strákum, greinilega nýfluttir að heiman og þeir gera fátt annað en að dópa, reykja og drekka fram á gangi, langt fram á hverja einustu nótt. Þeir eru með ótrúlega mikinn hávaða og bara ógeðslega subbulegir. Þrátt fyrir að ég og Ilona höfum kvartað undan þeim, þá virðist ekkert gert í málunum. Tek það fram að ég þarf að deila elhúsi og baði, sem ekki voru í frábæru ástandi fyrir, með þessum gaurum. Hin ástæðan er að Ilona er komin jafnvel með enn meira ógeð af þeim en ég, og hún er að hugsa um að finna sér eitthvað nýtt líka. Þannig að það þýðir annar herbergisfélagi handa mér, sem er algjört happ og glapp. Þannig...
Kannski ég býði samt með að flytja þar til í enda febrúar, því að þá er ég í 2 vikna fríi í skólanum, og langar að ferðast þá. Myndi spara mér peninginn að búa hérna þangað til...

lærdómur og bakstur

2007-12-02T05:35:00.000-08:00

Er að fara í sögupróf á morgun, þannig að auðvitað fór ég að baka áðan. Hlustaði á jólastjarnan.net og bakaði chocolatechip-peanutbutter cookies. Voru bara nokkuð góðar sko. Og uppskriftin er einföld:

2 1/4 bolli hveiti
2 og hálfur bolli sykur
2 egg
3/4 bolli smjör
2/4 bolli hnetusmjör
brytjað súkkulaði
og svo setti ég í ganni salthnetur líka, sem er rosa gott!

-öllu blandað saman einhvern veginn og búið til deig....

Núna get ég því helt mér i pólska sögu og ég er viss um að allt festist miklu betur...

Zakopane

2007-12-01T11:19:00.000-08:00

Fór út í gærkveldi með krökkunum. Fórum á stað sem heitir Kitch, þar sem við dönsuðum eins og brálæðingar. Staðurinn er með nokkuð fína electro-tónlist, en þó aðeins of mikil meatmarket-stemming fyrir minn smekk. Fór heim kl 3 þar sem ég fékk að sofa í fjóra tíma áður en ég þurfti að rífa mig upp til að taka rútuna upp í Zakopane. En það var þess virði, enda bærinn ótrúlega fallegur. Það var allt á kafi í snjó þar, enda bærinn staðsettur upp í fjöllunum. Við vorum þó bara í 4 tíma, þannig að dagurinn fór að mestu í hangs og labb. Keypti þó nokkrar jólagjafr...En ég ætla pottþétt að fara þangað aftur, og þá jafnvel yfir eina helgi. En núna er ég bara ótrúlega þreytt, þannig að kvöldið fer bara í rólegheit og sjónvarpsgláp, enda þarf ég að læra fyrir sögupróf á morgun.

Andrzejki

2007-11-30T09:32:00.000-08:00

Í dag er nafnadagur Andrzej og seinasti dagur partístands fyrir jól. Deginum fylgja ýmsar skemmtilegar hefðir, sem flestar tengjast því að sjá fyrir framtíðina. Samkvæmt tímanum í dag á ég að giftast á næsta ári og það einhverjum Adam. Svo vill reyndar til að ég var að tala við strák sem heitir Adam í gær, en einhverra hluta vegna held ég að við séum ekki að fara að giftast. Reyndar er næstum öll vikan búin að vera Andrzejki-vika. Fór í partí á miðvikudag, fimmtudag og svo fer ég í enn eitt partíið á eftir. Enda er það engin tilviljun að ég hafi skráð mig í grúppu á Facebook sem heitir: "I´m not an alcholic, I just live in Poland". En ég fæ ekki að sofa út á morgun, því snemma í fyrramálið er ég að fara til Zakopane, vetrarparadísar þeirra pólverja. Þetta er lítill bær, staðsettur upp í fjöllunum, í um 2 tíma keyrslu frá Krakow. Hann á víst að vera ferlega fallegur. Held það verði æðislegt að komast aðeins út úr bænum og anda að sér fersku fjallaloftinu...

pólska frá helvíti

2007-11-29T04:44:00.000-08:00

Ég held að það sé endalaust hvað hægt er að gera pólska málfræði ruglingslega. Eftir að hafa lært skrilljón sagnir á þessum tveimur mánuðum, þá koma þeir með það: hver sögn á sér hliðstæða sögn sem þýðir alveg það sama, en er notuð við aðrar aðstæður! Sem dæmi: czytać-przeczytać(lesa), oglądać- obejrzeć(horfa). Og svona til að toppa þetta, þá stendur í bókinni: "Unfortunately, there are no clear rules defining which prefixes form of the perfective verbs, and that is why students have to remember what is the perfective form of the known imperfective verb." jahá...
Eins og við vorum að tala um í skólanum, þegar maður hefur lært pólsku, þá getur maður ALLT! Annars var þessi tími ansi pirrandi. Erum með 3 kennaranema að fylgjast með, og svo þegar það var verkefni þar sem tveir og tveir unnu saman, þá var ég sett með einum kennaranemanum. Því miður talaði hann ferlega óskýrt og hratt, hálfpartin mumblaði bara. Finnst það lágmarkið ef þú ætlar að vera pólskukennari að þú talir hææææægt og skýrt. Svo sat hann yfir mér þegar ég var að gera eitthvað verkefni og benti á allt, og var bara íkt pirrandi. Svo þegar ég kom úr skólanum og var samfó tveimur bekkjarfélögum mínum, þá fór ég að segja þeim frá raunum mínum. Hafði passað að vera í góðri fjarlægð frá skólanum. En nei, haldiði ekki að kennaraneminn hafi verið fyrir aftan mig. Vandræðalegt! Vona bara að hann tali ekkert svo góða ensku, hafði það reyndar alveg á tilfinningunni í tímanum...

eplates-raus

2007-11-27T13:51:00.000-08:00

Tiltölulega tíðindalaust síðan síðast. Bara ferlega rólegt, eiginlega of rólegt. Get þó sagt að ég hafi náð öllum prófum, jeii. Á þó söguprófið eftir. Pólsk saga er full af mikilvægum kóngum og stríðum. Gaman að leggja það á minnið...
Annars horfðum við á skemmtilega mynd í skólanum eftir Andrzej Wajda: "Czlowiek z marmuru", á íslensku myndi það vera "menn úr marmara" eða eitthvað þannig. Mjög góð mynd frá 1978. Hún var bönnuð á sínum tíma vegna gagnrýni á stjórnvöld. EN hún sýnir m.a þegar það var verið að byggja Nowa Huta og líka bara hvernig það var að vera kvikmyndagerðarmaður in the 70s. Tónlistin í myndinni er líka frekar kúl og fyndin. Very 70s. Fór svo með Amelie á georgískan veitingastað, sem er alveg fáránlega góður og ódýr. Kann betur að meta georgískan mat heldur en pólskan. Miklu kryddaðri og skemmtilegri. En við fengum alveg stóra máltíð fyrir tæplega 500 kall, og þá meina ég drykkur innifalinn í því verði. Stundum elska ég Pólland! Annars sit ég bara og drekk epla og kanel teið mitt. Er að safna orku fyrir stóra Erasmuspartíið á morgun. Á föstudaginn er Andrewsday, en samkvæmt hefðinni á það að vera seinasti dagurinn sem má djamma fyrir Aðventu. Þess vegna eru rosa stór partí í þessari viku, þó að margir haldi ekki í hefðina og drekki sig fullan í desember líka. Svo góðar þessa hefðir sem má njóta og brjóta :)

pikktjúres

2007-11-24T15:05:00.000-08:00

Þar sem ég er búin með fría kvótann á flickr og tími ekki að borga fyrir að uploada myndum, þá er ég farin að setja inn myndir á facebookið mitt. Ég veit, hallærislegt, þar sem ég talaði illa um facebook í haust,en núna er ég orðin mjög svo dedicated facebooknotandi. Flestir vinir mínir hérna eru þar, þannig að ég þarf að vera aktív á myspace og facebook. Tough life...Allavega, set inn link á facebookið mitt hér til hliðar. Setti inn tvö albúm, annað frá snjógönguferðinni minni um Kraká, og annað með myndum úr vodkapartíinu ógurlega í seinstu viku.
Annars komst ég að því að Nix Noltes er að koma út um jólin en ekki í febrúar. Set því hér til gamans koverið sem ég bjó til fyrir þá. Verð að segja að þetta er eitt mitt besta verk. Annars er kvöldið bara búið að fara í ógurlegt mandarínuát. Gæti verið verra.

góð fyrirhelgi

2007-11-24T02:49:00.000-08:00

Prófin eru búin, jeii. Þessi vika var svo óendnalega stutt en samt svo ótrúlega löng. Stutt því að það var eitthvað svo lítill skóli miðað við venjulega, en löng því allir eyddu öllum kvöldum heima að læra. Ég hefði auðvitað átt að gera það sama, en ég virðist fá athyglisbrest þegar ég sé bækurnar mínar. En virðist sem að ég hafi náð þessu öllu, fékk ágætis einkunn í málfræðinni en munnlega prófið gekk ekkert sérlega vel. Rétt náði því með C. Er búin að ákveða að næst þegar ég fer í munnlegt pólskupróf, þá ætla ég að vera full, því ég virðist tala miklu betri pólsku þá. Minna stressuð. En ég þarf ekki að hugsa um þetta aftur fyrr en í febrúar. En til þess að fagna prófalokum, fórum við út bæði í gær og á fimmtudag. Virðist sem við séum komin með vikulegan vodkahitting í herberginu hennar Nelly fyrir djamm, sem er ágætt. Í gær fórum við á æðislegan stað sem heitir B-side klub. Þessi staður er svo geðveikur, ég, Dan og Gaby sem erum að fíla þennan stað mest, dönsuðum eins og brjálæðingar í 5 tíma. Dj-inn var líka svo yndislegur, leit út eins og Jarvis Cocker og var svo augljóslega að njóta þess sem hann var að gera. Þannig á það að vera! Þá er það bara spurningin hvort maður hafi orkuna í að fara út í kvöld?

grafíkdeild Mbl

2007-11-22T09:14:00.000-08:00

Það er einhver búinn að vera að missa sig í photoshoppinu hjá Mbl seinstu daga. Ísland í hnotskurn?

action-reaction

2007-11-22T04:18:00.001-08:00

Fór í munnlega prófið áðan og það var vægast sagt FATALNE! eins og pólverjarnir myndu orða það. Var ferlega stressuð og gat ekki sagt hluti sem ég kann mjög vel. Frekar glatað. En þetta eru bara miðvetrarprófin og gilda bara 30%. Aðal prófin eru í febrúar. Fékk þó einkunnina úr málfræðiprófinu og hún var fín. En sem mjög einföld kona í vondu skapi, þá strunsaði ég í Galeria Krakowska og keypti mér almennilega kuldaskó. Ferlega fluffy og sætir. Alveg óþarfi að vera léleg í pólsku OG kalt á fótunum...

stór helgi

2007-11-21T08:05:00.000-08:00

Næsta helgi verður ansi stór hjá mér, þ.e ef ég hefði verið á Íslandi. Á föstudaginn er svaka útgáfupartí hjá Bjarti/Veröld og á laugardaginn opnar sýningin: "Þetta vilja börnin sjá" í Gerðubergi. En það er nú dáldið kúl að komast ekki því maður er of bissí og búsettur erlendis, eða eitthvað...

midterms

2007-11-20T03:48:00.001-08:00

Núna er fyrsta miðvetrarprófinu lokið. Að sjálfsögðu var ég hundlöt að læra yfir helgina, og ákvað að taka menntaskólabragðið mitt á þetta: fara snemma að sofa í gærkvöldi og vakna svo klukkan 4 og læra þangað til ég færi í prófið. Það virkaði, næstum því. Fór að sofa kl 9, en vaknaði þegar Ilona kom heim kl 11. Svo áttum við báðar erfitt með að sofna, þó við værum orðnar drulluþreyttar og vorum á tímabili að hugsa um að staupa heimabruggaða vodkað sem pabbi hennar bjó til(eru allir að brugga vodka hérna!), en eftir að hafa blaðrað endalaust mikið um háalverleg málefni eins og trúabrögð og fóstureyðingar(hvernig þetta kom til veit ég ekki), þá sofnuðum við klukkan eitt. En ótrúlegt en satt, þá vaknaði ég klukkan 4:30 og fór að læra og lærði bara fullt áður en ég fór í prófið. Vona að það hafi gengið eins vel og ég held. Held allavega að ég falli ekki, og fyrir mér er þá markmiðinu náð. En jæja, er samt pínku þreytt núna, þannig að ég ætla að leggja mig áður en hinir kúrsarnir byrja.

Fríða frænka

2007-11-19T09:40:00.000-08:00

Ég verð að viðurkenna að ég hef ekki á tilfinningunni að ég sé að missa af miklu á Íslandi þegar aðalfréttin er um verslunina Fríðu Frænku, og að búðin selji fullt af allskyns dóti. Rosalega skrítin frétt. Kannski Fríða frænka sé komin með mjög góðan PR. Annars labbaði ég yfir Rynekið áðan og sá að það er byrjað að undirbúa jólamarkaðinn. Komin lítil tréhús út um allt torgið, ferlega krúttlegt eitthvað. Heyrði að jólamarkaðurinn sé ótrúlega skemmtilegur, og mikið að fólki að versla og drekka heitan bjór og heitt, kryddað vín. Hljómar sem skemmtun að mínu skapi.

Abbababb gagnrýni

2007-11-18T10:26:00.001-08:00

Abbababb fékk góða gagnrýni á rás 2 í gær. En myndirnar þóttu dáldið grófar og drungalegar, en samt ekkert vont sagt um þær. En 5 ára drengur gagnrýnandans varð dáldið hræddur, sérstaklega við stóru stráka myndina. múhahahaa. En samt fyndið, ég sem lagði mig sérlega mikið fram um að gera hressar og glaðlegar og litríkar myndir.hmmm....best að ég láti ekki sama fólk gagnrýna afganginn af verkunum mínum.

flug og skot

2007-11-18T05:18:00.001-08:00

Öll flug bókuð:
13.des Krakow-Köben, verð eina nótt hjá vinkonu minni þar.
14.des Köben-Rvík. Verð þar í 2 vikur þar sem ég hitti alla og eyði jólahátíðinni.
30.des Rvík-Köben verð í 3 tíma á flugvellinum þar sem ég geri eitthvað uppbyggilegt.
30.des Köben-Berlín, verð þar í 3 daga, þar sem ég eyði áramótunum.

og svo þarf ég bara að panta lestina frá berlín-Krakow 2.jan og svo skóli 3.jan

Annars þarf ég að eyða deginum í að læra :( Próf í næstu viku. Ákvað þó í gær að æfa pólskuna á vettvangi og fór í partí í hinni heimavistinni Piast. Þar var rosa gaman, reyndi að dansa smá við balkanskagadiskóið, en það var dáldið erfitt. Hef ekki alveg mjaðmasveifluna í það. Eyddi tímanum í staðinn við drykkju og að tala við sérlega myndarlegan og skemmtilegan strák.

blótum

2007-11-15T15:52:00.000-08:00

Ákvað að hella mér í smá research til að læra að blóta á pólsku. Blótið virðist einhvern veginn svo miklu verra, hentar greinilega vel tungumálinu. Allavega, fann þá þessa síðu http://www.youswear.com , sem kennir manni að blóta á fullt af tungumálum. Mæli með því að skoða íslenskudálkinn, hef einhvern veginn á tilfinningunni að þessi síða sé ekki svo nákvæm eftir allt saman.

speglahreinsivodka

2007-11-15T10:52:00.000-08:00

Ég og föruneitið fórum í partí í herberginu hjá Nelly í gær. Það var hin besta skemmtun, en við gerðum þau afdrifaríku mistök að kaupa áfengi af gaurnum við hliðina á, þegar við kláruðum vínið okkar. Sá gaur bruggar sitt eigið vodka úr sítrónu og hunangi og einhverjum vafasömum efnum. Þetta var neongult á litinn og smakkaðist eins og ég get ímyndað mér að speglahreinsivökvi eða eitthvað smakkast. Þar sem ég er mjög einföld, þá lét ég það ekki stöðva mig, enda heyrði ég bara 54%. Fórum eftir herbergishittinginn á einhvern bar þar sem Erasmus partí var í gangi. Þar dvöldum við alltof lengi og ég kom ekki heim fyrr en upp úr 3. Þess má geta að þegar ég vaknaði kl 7 til að mæta í skólann, þá gat ég ekki staðið beint og var ennþá full, þannig að ég skreið bara aftur upp í rúm og fór að sofa. Dagurinn hefur því bara farið í að næra þynnkuna, fór á einhverja chickflick í bíó og borðaði popp og drakk kók í lítratali.

hugshugs

2007-11-13T10:59:00.001-08:00

Ég var að koma úr tíma í “Contemporary Poland” þar sem við ræddum um sögu kommúnismans í Póllandi, og hin mismunandi tímabil. Kennarinn er ferlega neikvæður gagnvart kommúnisma, eins og flestir Pólverjar. Á kommúnismatímabilinu var stranglega bannað að andmæla honum, en núna er maður litinn hornauga ef maður gerir það ekki. Að sjálfsögðu skil ég pólverjana vel að mörgu leiti, ef maður þarf að standa í röð frá kl 4 um nóttina til að kaupa vöru sem er sögð vera til í búðinni, sem by the way opnar ekki fyrr en 10. Og fá vöruna svo ekki því hún var ekki til, til að byrja með. Þá hefur maður sennilegast kaldar tilfinningar gagnvart kommúnisma. En því má ekki neita að hugmyndin er falleg, bara ferlega illa framkvæmd. En Pólverjar eru á því stigi núna að þeir líta á vesturlöndin í einhverjum rósrauðum bjarma, kapítalisma sem einhvern lykil að hamingju. En fólk verður aldrei algjörlega frjálst, þegar það ja...lifir í samfélagi. Það eru alltaf einhverjar hömlur og eitthvað sem fer í taugarnar á manni. En ef ekkert færi í taugarnar á manni, væri þá ekki leiðinlegt að lifa? Hvað gerðu uppreisnarseggirnir þá?
Allavega, nóg af alvarleika, ég gerði heiðarlega tilraun til að elda pierogi sem ég keypti í búðinni. Þvílík mistök, þó ég sé ekki fullkomnlega sátt við hvernig þeir elda þetta á veitingastöðunum(þakið í fitu og lauk), þá er það talsvert betra en óskapnaðurinn sem ég keypti núna. Jakk! Ætla að fara í bíó, eða ekki beint bíó, einhver nemendasamtök eru svo sæt að sýna pólskar kvikmyndir eða kvikmyndir tengdar Póllandi einu sinni í viku á þessum bar. Í kvöld er sýnd myndin KANAł eftir pólska leikstjórann: Andrzej Wajda, en hann á víst að vera rosa klár.

Bardzo lubie snieg!!!

2007-11-12T09:23:00.000-08:00

Verð með í sýningunni "Hvað vilja börnin sjá" sem er í Gerðubergi um hver jól. Þar eru sýndar illustrationir úr nýútgefnum barnabókum. Þar sem ég fékk að vita þetta með mjög littlum fyrirvara, þá fór gærdagurinn í að plögga þetta. Þökk sé yndislegum systkinum mínum sem eru að prenta og finna ramma fyrir mig, þá tekst þetta. Er búin að senda skýrar leiðbeiningar um hvernig þetta á að vera. Verst er að ég get ekki verið með á opnuninni, en ég næ þó að sjá sýninguna, sem er alltaf gaman. Er búin að fara á þessa sýningu seinstu fjögur, fimm ár held ég. Hluti af jólunum. Því enn skemmtilegra að fá að vera með.
Annars er snjórinn bara yndislegur og Kraká sérlega falleg í dag. Það eru töfrarnir við snjóinn er að hann nær að gera allt svo fallegt og draumi líkast. Veit ég hljóma ferlega væmnislega, en hei, þetta er satt!!! Elska hvað kunnuglegt umhverfi verður ólíkt, öll skynfærin skynja allt svo öðruvísi, hljóðin dempast,jörðin sem maður labbar á er mýkri, eða sleipari eða blautari...og kalt loftið lyktar svo yndislega vel. En að öðru brýnu málefni. Pólsk súkkulaði er ótrúlega gott. Er búin að uppgötva súkkulaði sem er eins gott og að horfa á myndina Chocolat. Kannski maður laumi því með í jólapakkana í ár...

æðislegur dagur

2007-11-10T14:21:00.000-08:00

Miria dró mig út kl 1 og byrjuðum við á að fara á ljósmyndasýningu sem sýnir daglegt líf gyðinga í Kraká fyrir stríð. Myndirnar voru ótrúlega skemmtilegar, en svo var líka mikið af blaðaauglýsingum og fleira með afskaplega fallegri týpógrafíu. Í uppáhaldi var samt video sem sýndi bara fólk í Kazimierz, gamla gyðingahverfinu, við sýna daglegu iðju. Fórum eftir sýninguna, í Kazimierz, auðvitað og borðuðum bestu naleśniki í heimi. Það eru svona crepés með fyllingu. Fórum svo í bíó og lékum okkur síðan í snjónum. En enginn nennir út í kvöld, þannig rólegt laugardagskvöld hjá mér. Fór líka á Pausa í gærkveldi, þannig að það er í lagi.

jibbí!

2007-11-10T03:23:00.001-08:00

ÞAÐ ER FARIÐ AÐ SNJÓA!!!

Abbababb!

2007-11-10T02:49:00.001-08:00

Abbababb! kemur út í dag. Þeir sem vilja áritað eintak geta farið í Mál og Menningu, hitt Dr Gunna og já, líka keypt bókina. Svo fer fólk ekki nógu mikið í Bókabúðir!
Annars vildi ég að ég gæti séð bókina, fæ hana senda þegar ég man eftir því að registera mig. Á það til að gleyma þannig hlutum. Registeraði mig aldrei þegar ég bjó í Berlín, en núna hef ég þó ástæðu. En pólsk skriffinska er bara svo ferlega gamaldags, getum sagt það að ef það kviknaði í, þó væri ég ekki hissa þó að ÖLL skjöl myndu tapast.

veikindadagur2

2007-11-07T08:22:00.000-08:00

Fór ekki í skólann í dag. Ákvað að láta mér batna almennilega. Er líka búin að vera að vinna í Nix Noltes koverinu. Er búin að skemmta mér alveg stórkostlega við það í dag. Ilona var í skólanum í allan dag, þannig að ég hafði herbergið alveg út af fyrir mig. Bara gott að vera farin að gera eitthvað kreatívt aftur. Er búin að vera svo lömuð í þeirri deild síðasta mánuðinn. Ekki gott. Vona bara að ég verði dugleg eftir að ég klára þetta verkefni. Jafnvel, enn betra, ef einhver myndi gefa mér verkefni...
Annars kíkti ég aðeins á B2 í dag, og sá afskaplega skrítna sögu. Læt hana fylgja með, ef einhver hefur misst af henni :)

hósthóst

2007-11-06T10:37:00.000-08:00

Fór til læknis í dag út af hóstanum frá helvíti. Nokkuð góð heilbrigðisþjónustan hérna, fór á sér heilsugæslu fyrir nemendur. Þar þurfti ég ekki að borga neitt, því ég geng í skóla hérna og er með evprópska sjúkratryggingaskírteinið. Þurfti aftur á móti að bíða í röð í tvo tíma. En hei, var með skemmtilega bók. Er að lesa Norwegian Wood eftir Murakami. Er nýbúin að uppgötva hann, þannig að það er skemmtilegt. Svo er ég bara búin að vera að hangsa í dag, vinna í Nix Noltes og horfa á My so called life. Ekkert betra en unglingadrama þegar maður er slappur :)

Komin heim

2007-11-05T04:35:00.000-08:00

Hélt ekki að ég gæti séð herbergið mitt hérna í hyllingum, en jú, það gerði ég. Ætli það þýði að ég sé búin að venjast þessu húsnæði mínu? Þar sem ég var svo vitlaus að panta flug kl 6 um morguninn, þá byrjaði mesta hryllingsferðalag í heimi kl 2. Hafði upphaflega ætlað mér að taka Stanstead express á flugvöllinn, en fattaði svo í gærkveldi að lestin gengur ekki á nóttinni. Þá þurfti ég að finna annan ferðamáta, og sá að National express er með rútur frá Viktoria station á nóttunni. Því var það svo að ég var komin þangað kl 2, hálftíma fyrir áætlaða brottför til að finna hvar þessi blessaða rúta færi. Fór fyrst vitlausum megin, og rútubílstjóri benti mér á einmana skilti hinum megin við götuna. Þangað fer ég og býð...og býð....og býð, og engin rúta kemur. Nema hvað að einhver rúta á leiðinni til Luton kemur og segir mér að líklega þurfi ég að bíða handan við hornið. Þar sem ég var með óendanlega mikinn hósta, ískalt og dauðþreytt, þá var ég pínku örvæntingafull, og fór því að leita að hinni stoppustöðinni. Býð þar í dágóðan tíma, og enn birtist enginn rúta. Klukkan var orðin langt gengin í þrjú, og ég sá fram á að ég kæmist ekkert upp á flugvöll. En greinilegt er að einn leigubílstjórinn hefur tekið eftir vandræðum mínum þar sem ég arka á milli stöðva, því hann stoppar og spyr mig hverju ég sé að leita að. Hann bendir mér þá á annað fyrirtæki, sem væri rétt hjá, og þeir voru bara að leggja af stað bráðlega. Þannig að ég komst á flugvöllinn að lokum, og á réttum tíma. Þegar flugvélin átti svo að fara að leggja af stað, þá kemur í ljós að einn hreyfillinn var bilaður. Því komumst við að sjálfsögðu ekki á loft, og þurftum að bíða í 2 tíma í flugvélinni eftir því að við fengum aðra vél, og þá loksins komumst við af stað. Verð að segja að þurrt flugvélaloftið er ekki gott þegar maður er með svona mikinn hósta, þannig að ferðin var hreint út sagt ógeðsleg. Því er ég loksins komin heim, upp úr 13:00, hvað er það, samtals 11 eða 12 tíma ferðlag?
Annars var lundúnarferðin bara góð. Á laugardaginn breyttust plönin og eyddum við deginum í Camden í staðinn. Þar fórum við á markaði og létum lesa í lófa okkar, því okkur fannst það of fyndið til að gera það ekki. Svo var reyndar lófalesarinn helvíti naskur og las karakterinn okkar algjörlega út. Samkvæmt honum er ég mjög einbeitt eða ákveðin(determined) og get verið óþolinmóð og vil gera hlutina strax. Sem ég held að sé nokkuð rétt. Hann sagði að ég væri kreatív og að ég gæti verið góð hjúkka eða healer því ég væri með svo hlýjar hendur. Held persónulega að ég hefði aldrei þolinmæðina í það, en eins og Helga sagði: hvað væri ég að gera ef ég væri ekki kreatív? Get ekki svarað því. Allavega, lófalesarinn sagði að ég ætti eftir að ferðast mikið, og aðalega á milli þriggja landa. Honum fannst endilega að ég ætti eftir að fara til Nýja Sjálands eða Ástralíu. Ég myndi þó alltaf snúa aftur heim til Íslands. Ég ætti eftir að vera með mikið af verkefnum, eins og ég væri að vinna sjálfstætt, og einhvern tíman á ferlinum myndi ég breyta til og fara yfir í eitthvað annað. Ég væri eitthvað leið núna, og ég mætti ekki láta það koma í veg fyrir sköpun mína. Mér fannst þetta sérlega fríkí, því ég er búin að vera svo uninspired síðan ég kom hingað og ekki getað gert neitt. Svo á ég eftir að eignast eitt barn og einhver sérstakur ætti eftir að birtast bráðlega...hmm, það er sem sé enn von! En allavega, gaman að því. Já, allavega, áfram með ferðasöguna, á laugardagskvöldið fórum við bara út að borða og í bíó. Ég ekki beint partífær. Og á sunnudaginn röltum við um Notting Hill og skoðuðum Buckingham höll. Gleymdi að segja ykkur að við sáum ref á föstudagsnóttinni inn í miðri London. Geðveikt skrítið. Jæja, allavega, þetta er sennilega lengsta færsla í heimi. Er farin að sofa, dobranoc!

I luuuuv london

2007-11-03T05:49:00.000-07:00

Jæja, þá er ég búin að vera í london í hmm, 2 og hálfan dag. Helga tók á móti ér á liverpool street á fimmtudaginn. Við vorum rólegar það kvöld, þar sem ég var dáldið þreytt eftir flugið, en fórum þó og fengum okkur að borða og röltum um hverfið hennar. Hún býr á ferlega góðum stað, rétt hjá Waterloo station og London Eye. Herbergið hennar á heimavistinni er eins og 5 stjörnu hótel miðað við herbergið mitt. Hún er með sérherbergi(sem er svipað stórt og það sem ég deili með Ilonu) og eigið baðherbergi og aðgang að frábæru eldhúsi. Við erum að sjálfsögðu búnar að blaðra óendanlega mikið, og búið að vera rosa gaman. Fórum í gær í Soho og svo í Topshop, þar sem við eyddum 3 tímum! Þetta er bara of stór og skemmtileg búð. Ég náði samt að kaupa bara einn bol. Ótrúlegt en satt! Helga keypti aðeins meira :) Fórum um kvöldið á indverskan veitingastað í Shoreditch, sem er aðal tískuhverfið hérna núna. Maturinn var óendanlega góður og fórum svo á tvo skemmtistaði sem voru ótrúlega skemmtilegir og kúl. Við fórum þó snemma heim, en misstum af lestinni og þurftum að taka næturstrætóinn heim, sem var svona alvöru rauður lundúnastrætó. Vorum svo heppnar að fá sæti fremst á efri hæðinni, þannig að þetta var bara skemmtilegt sightseeing. Ég er búin að vera hrikalega kvefuð og með leiðindar hósta, þannig að ég vona að ég verði ekki meira veik. Þetta er ennþá á hor og hóstastiginu, þannig að við vonum að það verði ekkert meira. Heyrði í Óla úr Nix Noltes, og Kristján sem var að vinna verkefnið með mér var að eignast barn, þannig að ég þarf að rimpa cd coverinu af fyrir föstudaginn. Fæ að gera þetta algjörlega eins og ég vil, þannig að ég held að þetta verði lítið mál. Er búin að vera svo unispired og ekki getað gert rass í þessu verkefni, þar sem mér finnst það mjög hamlandi þegar ég er að vinna með öðrum, og þeir gera hlutina ekki eins og ég vil. Allavega, kveð að sinni, ætlum hugsanlega að fara í the London eye, og jafnvel kíkja í Notting hill og fara á Starwars sýningu sem við sáum auglýsta. Okkur fannst það dáldið of nördalegt til að sleppa því. blessbless

lon og don

2007-11-01T01:38:00.000-07:00

Núna sit ég bara og bíð eftir því að fara til London. Er pínku hrædd um að ég sé að verða veik, því ég vaknaði með hósta í morgun. Hóstinn er í lagi, svo lengi sem að hálsinn á mér fer ekki að bólgna út eins og hann hefur gert í seinustu þrjú skipti sem ég varð veik. Svona er maður, tekur útlitið fram yfir heilsuna ;) Allavega, er búin að pakka, fötin mín voru orðin sæmilega þurr eftir þvottaævintýrið í gær. Hef svosum ekkert að segja, skrifa meira þegar ég kem til baka, blessbless

Mary Higgins Clark

2007-10-31T13:48:00.000-07:00

Bara svo að fólk haldi ekki að ég sé brjáluð, að blogga í þriðja skiptið í dag: Þá er ég dáldið spennt því að Mary Higgins Clark bókin var að koma út. Er reyndar bara spennt því að ég gerði kápuna, mæli ekkert sérlega með bókinni...ég sagði þetta ekki ;)Allavega, svona lítur kápan út:

MYNDIR

2007-10-31T10:18:00.000-07:00

Búin að vera ofurdugleg að setja inn myndir á Flickr. Það eru myndir úr Wielicka saltnámunni, líka frá Pieskowa Skala-kastalanum sem skólinn fór í og eitthvað frá því að Hebbi var hérna. Set hérna inn til gamans nokkrar myndir fyrir eldheita prins póló aðdáendur:

þvottarövl

2007-10-30T23:33:00.000-07:00

Ég hata að þvo fötin mín hérna í Zazcek. Í húsinu mínu búa um 1000 nemendur, ég er ekki að grínast. Það búa fleiri í húsinu mínu heldur en á öllum Fáskrúðsfirði. Í húsinu er eitt þvottahús með um 8 þvottavélum. Það eitt og sér gengur varla upp, hvað þá að maður hefur ekki aðgang að þeim allan daginn. Þvottahúsið er opið fjórum sinnum á dag, kl 7:15, 19:00, 21:00 og 23:00. Þá kemur maðurinn sem sér um þvottahúsið, og allir standa í röð til að bíða eftir því að fá úthlutað vél. Maður hefur að sjálfsögðu þurft að panta með nokkura daga fyrirvara. Svo vel er gætt vélanna, að nemendum er ekki einu sinni leyft að kveikja á vélinni sjálf, heldur þarf maður að segja manninum hvaða prógram og hitastig maður vill nota. Svo kveikir hann á takkanum. Segjum ef þú kemur kl 19:00 þá færðu fötin þín kl 21:00. Í seinustu viku pantaði ég tíma í þvottahúsinu kl 7:15 um morguninn og mátti þá koma kl 9:30 og sækja þau. Ætlaði svo að gera það sama áðan, þar sem ég fer til London á morgun, og láta fötin mín þorna í dag. En nei, seinasta vika var víst einhver undantekning, ég fæ því ekki að sækja fötin mín fyrr en kl 19:00 í dag, en þá hafa fötin mín legið í þvottavélinni í 10 tíma. Frábært, ég fæ því krumpuð og illa lyktandi föt með mér í Lundúnarferðina! Stundum hata ég þennan stað!

Langur dagur

2007-10-28T10:46:00.001-07:00

Var á leiðinni á videokvöld sem átti að byrja kl 8, þegar ég komst að því að klukkan væri í rauninni bara 7, því að það var verið að breyta tímanum. Líður eins og ég hafi verið að græða, nema hvað að þetta var rosalega langur og þunnur dagur fyrir.

Bravó Bravia

2007-10-27T10:47:00.000-07:00

Hver man ekki eftir fáránlega flottu skopparaboltaauglýsingunni og svo seinna málningarsprengjunni. Hér er komin ný, sem er ótrúlega sæt. Set hana inn og svo hinar líka ef einhver hefur ekki séð þær.

dansidansi

2007-10-27T05:15:00.000-07:00

Loksins fann ég góðan stað að dansa á. Fór með bretunum þremur: Gabrielle, Dan og Lorettu í leit að stað sem spilaði almennilega tónlist. Þau voru líka komin með ógeð af öllum píkupoppteknóógeðisstöðunum sem eru út um allt hérna. Fundum góðan stað sem spilaði þvílíkt skemmtilega tónlist og við dönsuðum endalaust mikið. Hef saknað þess að dansa síðan ég kom hingað, og eins og Kristín veit, þá er það vont fyrir sálina ;) Þar sem að ég held að þrjár Kristínar lesi bloggið mitt, þá er ég að sjálfsögðu að tala um dansgúrúinn sjálfan Kristíni Sigríði. Allavega, Dan greyið var svo hamingjusamur yfir að þetta væri í fyrsta skiptið sem hann fengi ekki illt augnaráð og hótanir um að vera barinn fyrir að vera í þröngum gallabuxum og með perlufesti um hálsinn. Þannig að þetta var góður staður :) En jæja, partíið heldur áfram í kvöld þar sem ég fer í tvöfalt afmæli sem verður án efa skemmtilegt. Núna fer ég aftur á móti í ævintýraleiðangur við að reyna að finna vindsæng fyrir Lundúnarferðina, gangi mér vel :)

grillaða samlokan mín

2007-10-26T09:35:00.000-07:00

Stundum eru einföldustu hlutirnir bestir. Eftir að hafa borðað alltof mikið af veitingahúsamat seinasta mánuðinn, þá keypti ég mér samlokugrill. Því sit ég núna og borða VENJULEGA samloku með ótrúlega góðri skinku og osti úr kjötborðinu. Namminamm. Eitt það besta við að vera í útlöndum eru kjötborðin. Hérna fer maður í kjötborðið til að velja sér alvöru skinku og ákveður hvað þú vilt margar sneiðar. Það sama á við um ostinn. Þess má geta að ég pantaði þetta alveg sjálf á pólsku...og hún skyldi mig!

13.des verður allt gott á Íslandi

2007-10-24T13:35:00.000-07:00

Jæja, er búin að panta helminginn af fluginu mínu heim um jólin. Þorði ekki annað, þar sem Sterling var með tilboð. Flýg sem sé til Kaupmannahafnar 13.des og sé svo til hvort ég fari með flugi sama dag heim eða gisti eina nótt í Köben. Annars ekkert nýtt, bara skóliskóliskóli. Mánudagur, þriðjudagur og miðvikudaur eru langir og erfiðir dagar í skólanum, en fimmtudagur og föstudagur eru auðveldari, en bara meira partístand í staðinn, sem þ.a.l gerir mann alveg jafn þreyttan... Allavega, nú er bara vika í Lundúnir. Ekki frá því að mig hlakki bara til...

Europa Europa

2007-10-23T14:07:00.000-07:00

Klukkan er 11 og ég var að koma heim. Þriðjudagarnir eru langir, er í skólanum frá 8-12 og svo í fríi til 4, en þá fer ég í tíma til 7. Svo fer ég á bar, þar sem nemendafélagið í skólanum heldur bíókvöld einu sinni í viku. Þetta verður þannig í allan vetur, og þeir sína bara myndir sem annaðhvort eru pólskar eða tengjast Póllandi á einhvern hátt. Í seinustu viku var það Schindler´s list, og núna var það gæða myndin Europa Europa. Alveg frábær mynd, mæli með henni fyrir alla. Annars er ég bara þreytt, þarf að vakna kl 7 í fyrramálið til að þvo fötin mín, var eini tíminn sem var laus í vikunni, og það á degi þar sem ég þarf ekki að mæta í skólann fyrr en 12. En allavega, bara þreytt, skil ekki afhverju ég er að skrifa, dobranoc!

hönnunarbók októbermánaðar

2007-10-21T07:23:00.000-07:00

Fór áðan á sýningu með plakötum Mieczyslaw Górowski, sem er einn uppáhalds pólskiplakatagerðarmaðurinn minn. Þetta var ótrúlega skemmtileg sýning, og mörg plaköt sem ég hafði ekki séð áður. Líka mikið af nýjum plakötum, sem eru líka mjög góð. Hann gerði m.a þetta plakat, sem er bara eitt flottasta plakat sem ég veit um:

Allavega, þar sem safnið var líka með til sölu doðrant fullan af plakötum eftir hann, þá þótti mér vel við hæfi að gera þá bók að hönnunarbók októbermánaðar. Því miður fann ég ekki mynd af bókinni.
Annars má þess geta að ég komst að því að hann lærði í skólanum sem ég fer í á næsta ári, ásamt Franciszek Starowieyski, sem er líka í uppáhaldi hjá mér. Þannig að ég valdi greinilega rétta skólann. Get ekki beðið eftir að byrja þar!

hönnunarbók septembermánaðar

2007-10-21T07:19:00.001-07:00

Gleymdi alltaf að skrifa um hana. Keypti bókina "Art Nouveau Designs" sem er svona banki fullur af art nouveau myndmáli. Fullt af kreisí munstrum sem eiga líklega eftir að vera nýtast sem innblástur. Þetta er bókin:

Massolit Books & Café

2007-10-20T09:35:00.000-07:00

Þegar maður flytur á nýjan og ókunnugan stað, þá tekur tíma að sanka að sér góðum stöðum til að hanga á. Var svo heppin í Berlín að þetta var allt svo auðvelt, því ég kynntist Andi og hún sýndi mér allt það skemmtilegasta. Eins og Kraká er nú æðisleg borg, þá hef ég samt verið í stökustu vandræðum með að finna kaffihús og bari sem mér líkar. En nú er þetta allt að gerast. Fann áðan bókabúð sem sérhæfir sig í bókum á ensku. Þeir selja bæði notaðar og nýjar bækur, og vá, hvað það er yndislegt andrúmsloft þarna inni. Allr bækurnar eru í háum, dökkbrúnum hillum. Svo háum að maður þarf stiga til að ná í hæstu hillurnar. Svo er þetta kaffihús líka, þannig að inn á milli eru borð og hægindastólar. Undir var spiluð þægileg klassísk tónlist, og já, það voru alveg nokkrir sætir bókaormar þarna inni. Sé mig í anda, hanga þarna, þegar kólnar í veðri. Svo voru bækurnar líka frekar ódýrar. Ekki amalegt!

Wieliczka

2007-10-19T15:51:00.000-07:00

Dagurinn var ótrúlega langur hjá mér. Vaknaði um 9 með dúndrandi hausverk eftir alltof mikla vodkadrykkju í gærkveldi. Fór í partí á hinni heimavistinni Piast. Það var eins og gefur til að kynna mjög gaman, svo gaman að þegar ég ætlaði að labba heim, þá fór ég í vitlausa átt og þurfti að taka leigubíl heim. Allavega, vaknaði eins og ég sagði kl 9 og skellti mér á kaffihús þar sem ég borðaði hádegismat og rissaði upp heimaverkefnin. Fór svo í skólann og var til 3, en þá fórum við Sara, Amelie og vinkona Söru, Anne í smá ferðalag. Fórum að skoða saltnámurnar í Wieliczka, sem er lítill bær fyrir utan Kraká. Og þessar námur eru sko algjört ævintýri. Þær eru búnar að vera til frá því á 13.öld og eru fullar af þvílíkt fallegum álmum. Eiginlega eins og risastór útskorin höll, en bara neðanjarðar. Það dýpsta sem við fórum niður er 300 metrar. Get sagt ykkur að það var ansi mikið af stigum, en alltaf niður í móti. Tókum lyftu þegar við fórum upp. En verð að segja, að eftir að hafa farið þarna, þá verður Moria í Lord of the rings, eitthvað svo minna ótrúleg, fyrir utan nokkra goblina. Tók glás af myndum, en set þær inn seinna. Myndinni stal ég af vikipediu, en hún sýnir stærsta salinn, sem er líka kirkja(já, þeir troða kirkjum allstaðar þessir pólverjar).

skype

2007-10-18T05:15:00.000-07:00

Hef ákveðið að gefa Skype annan séns. Gafst upp á því í fyrra þegar ég og Aðalbjörg reyndum að tala saman og samtalið varð mjög skrítið, allt kom of seint, þannig mjög sundurlaust. En allvega, ef einhver fær gífurlega löngun til að heyra mína fallegu rödd, þá er skype nafnið einfalt: fanneysizemore

Annars var ég að enda við að panta flugið til London, 5000 kall samtals báðar leiðir, plús ókeypis gisting á gólfinu hjá Helgu. Gæti ekki verið betra. Helga ætlar að sýna mér ALLT að sjálfsögðu, og ég er búin að finna einhverja kreisí búningabúð á netinu. Það er draumur hjá mér að fara í alvöru búningabúð, og tilvalið að nota tækifærið meðan ég er úti að velja mér einhverja sniðuga hárkollu. Fer nefnilega í Halloween partí hérna helgina á eftir. Hárkollur er eitthvað sem ég ætla að eiga mikið af í framtíðinni, elska að fara í grímubúning, og það er nú bara skylda að vera með skemmtilega hárkollu þá.

ekkert

2007-10-17T10:36:00.000-07:00

Sit núna við tölvuna mína, nýbúin að borða heimatilbúna máltíð, og ætla mér að gera EKKERT í kvöld. Nema ég verði plötuð í karíókíið niðri, sjáum til. Er búin að vera svo mikið úti við undanfarið, á meðan Hebbi var í heimsókn, og nánast ekkert verið heima hjá mér. Annars var verið að biðja mig um að taka íslenskukennslu að mér. Einhver norðmaður, eða kona(norðkona, hahahaha) sem er altalandi á pólsku og er að læra að vera pólskukennari vill læra íslensku. Ég á eftir að gefa svar, pínku kvíðin að fara að kenna einhverjum, en gæti verið fínt. Myndi fá borgað í enn meiri pólskukennslu, sem er svosum ekkert amarlegt. Væri til í að læra betur framburðinn, leiðinlegt að geta farið að tala smá og enginn skilur mann. Svo sögðu strákarnir í bekknum að það eru of fáir íslendingar til í heiminum, þannig að við erum "bound to spread the language". Þarf ekki að taka fram að þetta voru ameríkanar. Já, svo er ég sennilegast að fara til Lundúna í fjóra daga í byrjun nóvember. Erum í smá fríi í skólanum og er að hugsa um að heimsækja hana Helgu. Sýnist að flugið verði óhugnalega ódýrt, sé það betur á morgun, þegar það er nýtt kortatímabil ;)

Alchemia

2007-10-14T13:35:00.000-07:00

Jæja, þá kom að því að ég fann bar að mínu skapi. Við Hebbi ákváðum að fara í gær á stað í Kazimierz sem heitir Alchemia. Nafnið veldur ekki vonbrigðum, því að staðurinn er ótrúlega skemmtilega innréttaður, ótrúlega hrár, með fullt af skemmtilegum og skrítnum hlutum. Hann var um kvöldið nánast bara lýstur upp með kertum í gömlum og voldugum stjökum. En þessi staður náði samt að vera bara kósí og ekki of kitchí. Mjög fínn og þægilegt andrúmsloft. Svo var ekki verra að það var mikið af myndarlegu og áhugaverðu fólki sem leit út fyrir að vera með heila.
Við Hebbi erum svo bara búin að vera í hangsgírnum í dag, eiginlega ekki búin að gera neitt nema að borða og labba og sitja. Gæti svosum verið verra. Það er farið að kólna úti en veðrið er samt sem áður mjög fallegt. Já, svo má ekki gleyma, við Hebbi fórum í bíó í gær, um daginn, nánar tiltekið kl 1, þ.e 11 á íslenskum tíma. Fórum á myndina Stardust eftir sögu Neil Gaiman. Svona týpísk fantasíumynd með súrrealísku ívafi. Okkur fannst hún bara skemmtileg. Líka svo gaman að fara í bíó í útlöndum. Og þetta var sko rosalega flott og gott bíó. Og talsvert ódýrara en heima. Miðinn kostaði 13 zloty með stúdentaafslætti(afhverju er ekki svoleiðis á íslandi?), sem eru hvað um 300 kall. Svo var poppið gott, og það var saltað, en ekki sykrað eins og í Berlín. En það viljum við ekki...

draumabók

2007-10-12T01:41:00.000-07:00

Fór í ganni að athuga á þessari síðu: http://www.draumur.is/draumabok hvað nöfn hjá vinum og fjölskyldumeðlimum tákna. Hér eru nokkur dæmi:

Elín- fyrir góðu...
Herbert- Þú þarft að takast á við mjög erfitt verkefni á næstunni, útkoman ræðst af öðrum táknum draumsins. ...
Margrét- Táknar meðbyr í lífi og starfi.(Þýðir sjávarperla) ...
Gunnar- Boðar ósætti eða rifrildi. ...
Aðalbjörg- Allt snýst á betri veg og góðir tímar eru framundan. ...
Kristín- Boðar heiður. ...
Sölvi- Er fyrir versnandi hag. ...

prófaði ýmsa fleiri en nafnið þeirra kom ekki upp. Veit ekki hversu mikið er að marka allt þetta, en ég veit eitt- þetta passar ekki!!!

Fanney- Er fyrir lítilfjörlegri dægrastyttingu. ...

lífið

2007-10-12T01:09:00.000-07:00

Ferðin að kastalanum var fín. ÞEtta var ótrúlega gamall og fallegur kastali inn í svona skógi á hæð. Mjög fallegt. Tók fullt af myndum en set þær inn seinna, því að ég er búin að fylla kvótann minn hjá Flickr þennan mánuðinn.
Við Hebbi fórum svo með fullt af stelpum á eitthvað klúbbarölt. Það var allt í lagi, en eins og Hebbi sá strax, þá eru þessar stelpur ekki alveg á minni bylgjulengd, þó að þær séu mjög fínar. Aðeins og mikið af hár-samræðum fyrir minn smekk. EN það var ágætt að komast út, en við ákváðum að fara um eitt leitið heim og spara okkur fyrir helgina, hvernig sem hún verður. Mér finnst ég ekki alveg vera að finna mig ennþá í skemmtanalífinu í Kraká, sennilegast því ég hef ekki kynnst neinum sem hefur sama "djammsmekk" og ég. Enda alltaf á einhverjum krappí túristastöðum með ömurlegri tónlist eða svona "hressó"-stöðum. Orðið dáldið þreytandi. Það er þreytandi að djamma þegar maður er ekki glaður. Þá er þetta bara eins og vinna.

um frið og hebbaheimsókn

2007-10-10T12:31:00.000-07:00

Gaman að fá að heyra hvað fólki finnst um friðarsúluna. Greinilegt að fólk hefur misjafnar skoðanir á málinu. Ég persónulega fæ alltaf aulahroll þegar listamenn boða frið með orðinu FRIÐUR, eitthvað svo fegurðardrottningalegt. En ég er viss um að Íslendingar eiga eftir að gjóa augunum til Viðey á hverju kvöldi og fyllast von um frið á jörðu. Trúi ekki öðru!
En Hebbi kom i dag, og rosalega gaman að sjá hann. Fórum og fengum okkur butterbear, þó að auðvitað var hann ekki eins velheppnaður núna þegar ég vildi leyfa einhverjum að smakka. Var of lítið hunang í honum, að mínum smekk. En Hebba fannst þetta samt sem áður gott. Verður gaman þegar ég kann að búa til svona sjálf...mmm, butterbear á hverju kvöldi. Svo var einhver jólamarkaður byrjaður, ég veit, dáldið snemmt. En þeir voru að selja svona sykraðar hnetur, sem voru rosa góðar og jólalegar. Reyndar var butterbearinn mjög jólalegur líka, þannig að mér er eiginlega farin að hlakka dáldið til jólanna. skammskamm Fanney!
Allavega, Hebbi verður að finna sér eitthvað að gera sjálfur á morgun, því að ég er að fara í skólaferðalag. Verð bara frá 10-5, en samt. Förum að þorpi sem heitir einhverju voðalega skrítnu nafni sem hægt er að þýða sem Smáhundaklettur. Þarna er víst einhver flottur kastali sem við eigum að skoða og svo fáum við pólskan mat. Verður örugglega fín ferð, trúi ekki öðru.

friðarsúlan 2

2007-10-10T01:14:00.000-07:00

Eruð þið ekki að grínast, verður kveikt á þessari súlu stanslaust í 2 mánuði á ári! Er ég eina manneskjan sem er ekki vitund hrifin af þessu og finnst þetta bara helvítis ljósmengun. Gott að vera ekki á íslandi til að horfa á óskapnaðinn. Og ég sá generalprufuna, þannig að það er ekki hægt að segja að ég hafi ekki séð þetta. Hvað finnst fólki?

hitt og þetta

2007-10-09T12:04:00.000-07:00

hæhæ aftur. Netið var loksins að komast í lag aftur, eftir...einn dag. Leið eins og það væri endalaust. Segir kannski hvað maður er sorglegur. En ekki halda að ég geri ekkert hérna í Kraká nema að hanga á netinu. Er að sjálfsögðu búin að vera ofurdugleg í skólanum. Verð í tveimur áföngum á ensku á þessari önn, og verð að segja að það er ágætis hvíld fyrir heilann. Fór í Sögu Póllands í gær, og það var ótrúlega áhugavert og skemmtilegt. Ég hef alltaf haft gaman að sögu, og sérstaklega þegar það er ekki verið að tala um íslendinga að mygla í einhverjum torfkofum, þannig að þetta verður góð tilbreyting. Hef líka lítið lært um þessi slavnesku svæði, þannig að mér líst rosa vel á þetta. Svo fór ég í pólska bókmenntasögu í dag, sem ég held að verði líka mjög skemmtilegt. HEf ekki lesið neinar bækur eftir pólska höfunda, þannig að ég þarf að gleypa þetta í mig. Það er eiginlega hrikalegt hvað ég veit lítið um Pólland, fyrir utan það sem snéri að BA ritgerðinni minni.
En svo stóru fréttirnar: HEBBI KEMUR Í HEIMSÓKN Á MORGUN!!! Það verður ótrúlega gaman og ég ætla að sýna honum ALLT! Verst að ég get ekki hýst hann líka, en ég get þó komið honum fyrir á fínu hosteli.
Verð að segja að það er meir en nóg að sofa með einni manneskju í herbergi. Sakna þess dáldið að geta verið bara EIN inn í mínu herbergi og Ilona saknar þess örugglega líka. Svo á hún líka kærasta sem leigir líka á stúdentagarði, þannig að þið getið rétt ímyndað ykkur hvað þetta er flókið fyrir þau. Segi að þetta hafi ekki hvarflað að mér, en hún sendi mér sms í gær og spurði mig hvort mér væri sama þó hún tæki kærastan með sér heim um nóttina, og þau hefðu rosalega lágt. Þar sem ég þori ekki annað en að vera ofursvöl, þá sagði ég já. Fyrir betur fer náði ég að sofna áður en þau komu heim, og ég svaf allan tíman. En hvað getur maður gert. Smá baðstofustemming drepur svosum engan...

myndir

2007-10-07T13:45:00.000-07:00

Setti inn nokkrar myndir frá helginni. Ekkert merkilegt, aðalega bara annað fólk og myndirnar ekkert sérlega góðar, því jaaa, ég tek ekkert sérlega góðar myndir þegar ég er að drekka. Hef reynt að taka myndir af Kraká, til að sýna öllum hvað það er óendanlega fallegt hérna. En mér finnst bara ekki hægt að ná því á mynd. Maður fær ekki þá ótrúlega tilfinningu sem það er að labba og allt í kringum mann er svo ótrúlega fallegt. Langar svo að sýna öllum, þannig að allir verða að koma að heimsækja mig. Fór annars og hitti Mögdu í dag. Það er stelpan sem ég kynntist þegar ég fór í viðtalið í skólanum í júlí. Fórum á kaffihús og töluðum stanslaust í 3 tíma. Við eigum ótrúlega vel saman, þannig að ég held að þetta sé upphafið að góðri vináttu, svona ef maður á að vera háfleigur... Hún er að byrja í grafískri hönnun í skólanum sem ég fer í á næsta ári, þannig að hún ætlar að taka mig með í partí og svona í skólanum í vetur. Ekki amalegt að kynnast fólki áður en ég byrja. Sakna þess líka að hafa einhvern í kringum mig með svipuð áhugamál, þannig að það er rosa fínt. Allavega, þarf að fara að læra heima, vá, hvað það er langt síðan ég hef gert það!

þynnkurövl

2007-10-07T02:20:00.000-07:00

jæja, sit hérna í þynnkunni eftir veigar gærdagsins. Drakk ansi mikið af "zazanka" eða hvernig sem það er skrifað, en það er Zubrowka wodka og eplasafi. Hættuleg blanda sem klikkar ekki. Fór með hópi af stelpum á einhvern bar, sem var fullur af túristum, en vínið ódýrt. Ekki að það skipti mig einhverju máli hérna, því vínið er alltaf ódýrt. Seinna komu fleira fólk, og þar á meðal kærasta eins stráksins, sem er pólsk. Hún er ferlega hress og dró okkur á annan stað. Sem mér leist miklu betur á, og langaði að vera þar, en hinar stelpurnar vildu fara annað, því það voru ekki sæti. What, hver býst við sæti kl 1 að nóttu til á bar. Maður er orðinn svo vanur kaffibarnum og sirkus, að maður er löngu hættur að láta svona smáatriði buga sig. þannig að við fórum á einhvern annan stað, þar sem voru sæti, en hann var líka hundleiðinlegur, því það var enginn þar inni. En ég og ein stelpan sem heitir Nelly vorum þá orðnar ansi drukknar(við vorum mest í vodkanu), þannig að við ákváðum að rölta saman heim. Það er víst almenn regla hér að vera ekki að þvælast einn á nóttunni, þannig að það er ágætt að búa á Zazcek hvað það varðar, því það er alltaf einhver annar sem býr þar líka.

lasagnepartí

2007-10-06T02:20:00.001-07:00

Fór í gær í partí með krökkum úr skólanum. Strákurinn sem hélt partíið á sína eigin íbúð hérna, sem er ógeðslega stór og flott. Íbúðir eru víst alls ekki dýrar hérnar og fara bara hækkandi, þannig að það væri góð fjárfesting. Úff, ef maður væri nú ekki bara auli á námslánum... Allavega, fullt af skemmtilegu fólki mætti og bara rosa fjör. Margir sem búa í sama húsi og ég, meira að segja ein stelpa sem ég deili baðherbergi með, þannig að maður á pottþétt eftir að rekast á fólkið aftur. En planið er líka að fara út í kvöld, og þá í bæinn, en við náðum aldrei þangað í gærkveldi, þannig að meira um það seinna.

Friðarsúlan

2007-10-05T01:15:00.003-07:00

Elín var að skutla mér heim um daginn þegar við tökum eftir þessu bláleita ljósi ekki svo langt í burtu. Það var ótrúlega bjart og við vorum handvissar að þarna væru geimverur á ferð. Við keyrðum meira að segja lengra, því við vildum sjá upptök ljóssins. Ég meina, ef það væru nú geimverur, þá væri nú dáldið kúl að sjá þær. En nú sé ég mynd af þessu á Mbl, og þá var þetta bara friðarsúlan hennar Yoko Ono! En í alvöru talað, ekki verður alltaf kveikt á þessu? Það er nógu mikil ljósmengun í Reykjavík, svo þeir fari ekki að bæta þessu við!